9:31  31  DEFENSIO  32  tus  virtute  in  Christi  corpus  insiti  communem  habemus  cum  ipso  vitam.  Nam  ex  abscondito  deitatis  fonte  in  Christi  carnem  mirabiliter  infusa  est  vita,  ut  inde  ad  nos  flueret.  1)  Verum  ut  de  coelestibus  Dei  mysteriis  semper  crassum  aliquid  concipiunt  humanae  mentes,  hic  rursus  obviam  ire  talibus  deliriis  necesse  fuit.  Qu  o  pertinet  ista  definitio  a  nobis  posita:  non  perinde  intelligi  debere,  quod  de  carnis  Christi  participatione  dicimus,  quasi  fieret  aliqua  substantiae  vel  commixtio  ,  vel  transfusio,2)  sed  quia  ex  carne  semel  in  sacrificium  oblata  vitam  hauriamus.  Si  cui  displicet  haec  exceptio,  primum  dico  aliquid  sibi  ex  proprio  cerebro  commentum  esse,  quod  et  scripturis  nusquam  proditum,  et  fidei  analogiae  minime  consentaneum  est.  Deinde  nimis  superbum  es&e  dico,  qui  ex  sensu  temere  concepto  legem  aliis  praescribat.  Misceri  si  volunt  carnis  Christi  substantiam  cum  hominis  anima,  quot  se  absurdis  involvent?  Negant  fas  esse,  tam  sublime  mysterium  ad  saeculi  rationem  subduci  vel  immensam  eius  magnitudinem  metiri  ingenii  nostri  modulo.  In  quo  illis  plane  assentior.  Sed  an  eo  usque  trahenda  est  fidei  modestia,  ut  totam  religionem  horrendis  portentis  deformet?  Atqui  hoc  modo,  ut  quidque  absurdissimum  foret,  ita  maxime  Christo  congrueret,  eiusque  doctrinae.3)  Sacram  unitatem,  quae  nobis  est  cum  Christo,  sensui  carnis  incomprehensibilem  fatemur  esse.  Quod  nos  [pag.  46]  sibi  coniungens  non  modo  vitam  nobis  suam  instillat,  sed  unum  quoque  nobiscum  efficitur,  sicuti  ipse  unum  est  cum  patre,  sublimius  captu  nostro  mysterium  esse  concedimus:  nisi  quatenus  eius  verbis  retectum  est.  a)  Sed  an  ideo  protinus  somniandum,  in  nos  transfundi  eius  substantiam,  ut  sordibus  nostris  inquinetur?  Quod  se  oculos  claudere  dicunt,  ne  curiosius  inquirant  quod  Dominus  occultat,  vanissimum  esse  hinc  convincitur,  quod  se  ex  Dei  verbo  doceri  non  sustinent.  Haec  certe  fidei  sobrietas  est,  non  modo  acquiescere  in  Dei  nutu,  neque  pius  sibi  arripere,  quam  sacro  eius  ore  patefactum  sit,  sed  etiam  ad  spiritum  prophetiae  sedulo  attendere,  et  sanam  interpretationem  mansueta  docilitate  amplecti.  Quare  temulenta  in  utroque  pervicacia  est,  si  quis  vel  se  non  contineat  intra  legitimas  metas,  vel  sanae  intelligentiae  lucem  fastidiose  respuat.  Communicari  nobis  Christi  corpus  et  sanguinem,  nullus  nostrum  1)  Add.  tellement  que  c'est  de  la  qu'il  nous  la  faut  puiser.  2)  distillation.  3)  Hoc  loco  Beza  et  Amst.  omni  distinctione  sublata  sensum  cimmeriis  tenebris  involverunt.  a)  nisi  quatenus  .  .  .  .  retectum  est.  Haec  addidit  Calvinus  monente  Bullingero,  non  bene  dici  rem  ineffabilem  et  incomprehensibilem  quam  ipsi  tamen  in  Consensione  sua  explicuerint.