7:31  31  ARTICULI  FACULTATIS  PARISIENSIS  32  minus  latere:  praesertim  quum  sciamus  ex  vaticinio  Pauli  praedictam  fuisse  defectionem  (2  Thess.  2,  3).  Statuamus  ergo,  videri  ecclesiam  ubi  apparet  Christus,  ubi  verbum  eius  auditur,  sicut  scriptum  est:  Oves  meae  vocem  meam  audiunt  (Ioann.  10,  27).  Sepulta  autem  doctrina  veritatis,  ecclesiam  simul  evanescere  ex  oculis  hominum.  Hanc  ecclesiam  fatemur  cum  Paulo  columnam  et  firmamentum  esse  veritatis  (1  Tim.  3,  16):  quia  custos  est  sanae  doctrinae  eamque  propagat  suo  ministerio  ad  posteros,  ne  intercidat  in  mundo.  Nam  quum  sponsa  sit  Christi,  subiectam  illi  esse  par  est  (Ioann.  3,  29;  Ephes.  5,  24).  Et  haec  est  eius  castitas:  non  abduci  a  Christi  simplicitate,  sicut  testatur  Paulus  (2  Cor.  l  l  ,  2).  Non  errat  ergo,  quia  Dei  veritatem  pro  regula  sequitur.  Ab  ea  si  recedit,  sponsa  esse  desinit,  et  fit  adultera.  Qui  vero  ordinariae  potestati  et  aliis  externis  pompis  ecclesiam  affigunt,  audiant,  quid  de  eo  pronunciet  Hilarius.  1)  Male,  inquit,  nos  parietum  amor  coepit;  male  ecclesiam  Dei  in  tectis  aedificiisque  veneramur:  anne  ambiguum  est,  in  his  Antichristum  esse  sessurum?  montes  mihi  et  sylvae,  et  lacus,  et  carceres,  et  voragines  sunt  tutiores:  in  his  enim  prophetae,  aut  latentes,  aut  demersi  prophetabant.  ARTICULUS  XIX.  Quod  ad  ecclesiam  yisibilem  pertineant  definitiones  in  doctrina.  Quod  si  quid  in  scripturis  sacris  controversiae  aut  dubii  oriatur,  ad  praefatam  ecclesiam  definire  spectat  et  determinare.  Probatur  sic:  Quia  alias  nasceretur  horribilis  confusio,  nisi  ecclesia  haberet  ius  pronunciandi  definitivam  sententiam  in  dogmatibus  litigiosis.  Sicut  hodie  Lutherani  vellent  habere  vocem  in  capitulo,  et  iactarent  verbum  Domini:  nisi  opponeretur  illis  haec  replica  sine  exceptione,  quod  ad  ecclesiam  spectat  determinare  ultimate,  sine  contradictione.  Aliter  non  possemus  illis  claudere  os.2)  Deinde  sciendum  est,  quod  scriptura  est  tanquam  nasus  cereus;  quia  flecti  potest  hinc  inde.  Sed  ecclesiae  determinatio  est  fixa  et  stabilis.  Nam  si  haeretici  cavillari  velint  unam,  potest  altero  die  fieri  alia,  quae  eos  magis  constringat.  1)  Contra  Auxentium.  2)  Haec  ita  vertuntur:  que  c'est  a  l'Eglise  seule  qu'il  appartient  de  definir,  comme  par  arrest  irrevocable,  sans  appel  ni  opposition,  ni  contradictions  quelconques,  et  qu'on  leur  rabatist  leur  caquet  par  ce  moyen:  autrement  iamais  on  ne  les  feroit  taire,  car  ilz  ont  le  bec  trop  aigu,  et  iamais  raison  ne  leur  faut.