58:31  31  SECOND  SERMON  32  SECOND  SERMON.  Genese,  chap.  XXV.  Or  quand  Rebecca  eut  conceu^  21.  Les  enfans  s'entrebatoyent  dedans  son  ventre.  Et  elle  dit,  Si  ainsi  est,  pourquoy  est-ce  que  ie  vi?  Elle  s'en  alla.  donc  s'enquerir  du  Seigneur.  22.  Et  le  Seigneur  luy  dit.  II  y  a  deux  peuples  en  ton  ventre^  et  deux  nations  seront  divisees  de  tes  entrailles.  L'un  sera  plus  fort  que  T  autre:  et  le  plus  grand  servira  au  moindre.  Nous  vismes  hier  comme  Dieu  avoit  esprouve  la  foy  cTIsaac,  avant  que  lui  donner  lignee,  voire  par  l'espace  de  vingt  ans.  Or  c'est  ann  que  nous  cognoissions  qu'il  n'a  point  prie  Dieu  en  vain,  puis  qu'il  l'a  exauce  de  sa  requeste,  laquelle  tendoit  a  ce,  que  Dieu  envoyast  le  Sauveur  du  monde,  par  le  moien  de  la  semence  quil  lui  avoit  este  promise.  Or  voila  enquoy  Isaac  s'est  peu  resiouir:  et  non  pas  d'une  facon  commune,  car  sa  femme  a  este  sterile  long  temps:  il  void  qu'elle  a  conceu,  et  que  Dieu  a  declare  qu'il  n'avoit  pas  mis  en  oubli  sa  promesse,  et  puis  il  cognoit  que  cela  lui  a  este  ottroie,  d'autant  qu'il  avoit  eu  son  recours  a  Dieu.  Mais  voici  une  tentation  nouvelle,  et  qui  est  plus  dure,  et  plus  grieve  a  porter,  que  si  sa  femme  fust  demeuree  sterille.  Car  elle  concoit  deux  enfans,  lesquels  se  combatent  au  ventre.  Or  cela  estoit  comme  une  chose  hideuse,  et  contre  nature.  Et  voila  pourquoy  aussi  elle  dit,  qu'il  vaudroit  mieux  qu'elle  fust  morte  :  et  ce  n'est  pas  d'impatience  qu'elle  parle  ainsi,  comme  si  elle  eust  senti  des  tormens  et  douleurs,  qui  l'eussent  contrainte  a  cela,  elle  regarde  plus  haut:  car  elle  porte  en  son  ventre  toute  l'esperance  qu'on  pouvoit  avoir  du  salut  du  monde.  Or  cependant  elle  void  la  un  combat,  qu'il  semble  que  Dieu  renverse  tout,  et  qu'il  vueille  la  monstrer  un  signe  de  son  ire.  Bref,  la  chose  est  detestable  de  soy,  qu'il  y  ait  un  tel  combat  au  ventre  d'une  femme:  et  cela  n'est  pas  avenu  naturellement,  mais  Dieu  vouloit  la  declarer  (comme  nous  verrons)  a  Isaac,  et  a  elle,  que  tous  ceux  qui  viendroyent  de  leur  semence  selon  la  chair,  ne  seroyent  point  pourtant  reputez  du  nombre  des  fideles  :  mais  plustost  qu'il  y  auroit  guerre  mortelle.  Or  donc,  quand  elle  void  (au  lieu  d'avoir  le  salut  du  monde  enclos  en  son  ventre)  un  signe  de  l'ire  de  Dieu,  et  un  combat  comme,  diabolique  des  ennemis  mortels  de  l'Eglise,  elle  ne  peut  pas  cognoistre  le  tout  :  mais  elle  appercoit,  que  si  elle  a  conceu  pour  avoir  un  tel  combat,  que  c'est  autant  comme  si  Dieu  luy  estoit  contraire,  et  qu'il  vint  la  comme  la  main  armee,  pour  dire,