56:31  31  GENESE.  32  mesme  pour  l'enfant,  et  pour  ta  servante:  en  toutes  choses  que  te  dira  Sara,  obei  a  sa  voix:  car  en  Isaac  te  sera  appelee  semence.  13.  Ie  feray  aussi  que  le  fils  de  la  servante  croistra  en  peuple,  pource  que  c'est  ta  semence.  14.  Adonc  Abraham  se  leva  de  matin,  et  preint  du  pain  et  une  bouteille  d'eau,  si  les  bailla  a  Agar,  et  les  mettant  sur  l'espaule  d'elle  avec  Pensant,  luy  donna  conge.  Puis  elle  se  mit  en  chemin,  et  fut  errante  au  desert  de  Bersabe.  15.  Or  quand  l'eau  de  la  bouteille  faillit,  elle  ietta  l'enfant  sous  un  arbrisseau.  16.  Si  s'en  alla,  et  s'assit  a  rendroit  loin  d'un  trait  d'arc:  car  elle  dit,  Ie  ne  verray  point  la  mort  de  l'enfant.  Et  elle  estant  assise  vis  a  vis,  esleva  sa  voix  et  pleura.  17.  Lors  Dieu  ouit  la  voix  de  l'enfant,  et  l'Ange  de  Dieu  ap  pela  du  ciel  Agar,  si  luy  dit,  Qu'as-tu  Agar?  ne  crain  point:  car  Dieu  a  ouy  la  voix  de  l'enfant  du  lieu  ou  il  est.  18.  Leve  toy,  pren  Fensant,  et  le  recoy  en  ta  main:  car  ie  le  multiplieray  en  grand  peuple.  19.  Et  Dieu  ouvrit  les  yeux  d'icelle,  laquelle  voyant  une  fontaine  d'eau,  s'en  alla,  et  emplit  la  bouteille  d'eau,  si  donna  a  boire  a  l'enfant.  20.  Or  Dieu  fut  avec  l'enfant,  lequel  deveint  grand,  et  habita  au  desert:  il  fut  aussi  excellent  archer.  21.  Et  demeura  au  desert  de  Paran:  et  sa  mere  luy  preint  une  femme  de  la  terre  d'Egypte.  22.  Or  adveint  en  ce  temps-la,  qu'Abimelech,  et  Phicol  prince  de  son  armee,  parla  a  Abraham,  disant,  Dieu  est  avec  toy  en  toutes  les  choses  que  tu  fais.  23.  Maintenant  donc  iure  moy  par  Dieu,  que  tu  ne  me  nuiras  point,  ni  a  mes  enfans,  ni  a  mes  nepveus  :  selon  la  courtoisie  que  ie  t'ay  faite,  tu  me  feras,  et  a  la  terre  en  laquelle  tu  as  converse.  24.  Lors  Abraham  respondit,  Ie  iureray.  25.  Et  Abraham  repreint  Abimelech  a  l'occasion  du  puits  d'eau,  que  luy  avoyent  oste  les  serviteurs  d'Abimelech.  26.  Auquel  Abimelech  dit,  Ie  n'ay  point  sceu  qui  a  fait  ceste  chose,  mais  aussi  tu  m'en  as  point  adverti:  et  si  encore  ne  l'ay-ie  point  ouy,  sinon  auiourd'huy.  27.  Adonc  Abraham  preint  des  ouailles,  et  des  beufs,  et  les  donna  a  Abimelech:  et  firent  entr'eux  deux  alliance.  28.  Et  Abraham  mit  a  part  sept  agneaux  du  troupeau.  29.  Lors  Abimelech  dit  a  Abraham,  Que  veulent  dire  ces  sept  agneaux-la,  lesquels  tu  as  fait  mettre  a  part?  30.  Et  il  respondit,  C'est  que  tu  prendras  les  sept  agneaux  de  ma  main,  a  celle  fin  qu'ils  me  soyent  en  tesmoignage,  que  i'ay  cave  ce  puits-ci.  31.  Et  pource  fut  appele  ce  puits-ci  Bersabe:  car  illec  tous  les  deux  iurerent.  32.  Ils  traitterent  donc  alliance  en  Bersabe.  Alors  se  leva  Abimelech  et  Phicol  prince  de  son  armee:  et  retournerent  a  la  terre  des  Philisthins.  33.  Et  Abraham  planta  des  arbres  en  Bersabe  :  et  la  invoqua  le  nom  de  l'Eternel  Dieu  a  perpetuite.  34.  Et  habita  en  la  terre  des  Philisthins  long  temps.