54:31  31  SERMON  III  32  TROISIEME  SERMON.  Chap.  I,  v.  6.8.  Nous  voyons  coustumierement,  quand  les  hommes  se  sont  portez  vertueusement,  qu'ils  le  lassent  bien  tost,  et  pensent  aussi  qu'on  les  doit  tenir  quittes:  ainsi  ils  laissent  venir  les  autres  en  rang,  comme  s'ils  envoyent  fait  leur  devoir:  et  cependant  Dieu  ne  sera  servi  que  par  une  bouffee.  Au  contraire  sainct  Paul  declare  en  ce  passage,  tant  plus  que  Dieu  nous  a  fait  de  graces  le  temps  passe,  que  nous  devons  estre  songneux  de  poursuyvre,  et  nous  inciter  a  faire  tousiours  de  bien  en  mieux.  Tant  s'en  faut  donc  que  celuy  qui  aura  besongne  vertueusement  pour  un  temps,  doyve  estre  lasche,  et  s'anonchalir,  qu'aucontraire  il  nous  faut  penser  que  c'est  autant  d'obligation  sur  nous,  si  Dieu  s'est  voulu  servir  de  nostre  labeur,  et  qu'il  nous  ait  employez  a  magnifier  son  nom:  car  de  fait  nous  ne  sommes  pas  dignes  d'un  tel  honneur.  Et  ainsi  qu'un  chacun  s'efforce,  suyvant  l'exhortation  qui  est  ici  mise,  quand  il  aura  este  enseigne  des  son  enfance  en  la  verite  de  Dieu,  de  poursuyvre  iusques  a  la  fin,  quand  il  aura  chemine  droitement,  de  tousiours  s'avancer:  car  nous  avons  ouy  ce  matin  ce  que  S.  Paul  a  mis  en  avant,  il  disoit  a  Timothee:  Ie  me  tiens  asseure  que  la  foy  qui  a  este  en  ta  mere-grand,  et  en  ta  mere,  a  aussi  habite  en  toy  des  ton  enfance.  Il  adioustoit  que  Timothee  avoit  monstre  une  singuliere  affection  de  bien  vivre.  Il  adiouste  pour  ceste  cause,  Advise  de  faire  encores  mieux.  Il  ne  dit  pas,  C'est  assez,  Ie  t'absous,  ie  t'affranchy:  mais,  II  faut  parfaire.  D'autant  que  tu  t'es  porte  vaillamment,  cognoy  combien  tu  es  es  tenu  a  Dieu  qui  t'a  fait  une  telle  grace:  car  il  ne  veut  point  estre  servi  de  nous  pour  trois  iours,  c'est  a  vie  et  a  mort.  Ainsi  donc  continue  ne  te  iassant  point  au  milieu  du  chemin.  Voila  l'intention  de  S.  Paul.  Voulons-nous  donc  corriger  la  froidure  et  paresse  qui  est  en  nous?  Quand  nous  sentons  que  nous  n'avons  point  un  tel  zele  et  devotion  comme  il  seroit  requis,  qu'un  chacun  regarde:  Or  ca,  ton  Dieu  t'ayant  mis  au  monde  s'est  manifeste  a  toy,  et  il  y  a  desia  si  long  temps  que  tu  l'as  cognu  :  il  te  fait  test  honneur  a  toy  povre  creature  et  inutile,  que  tu  as  este  son  instrument  pour  exalter  sa  gloire,  pour  anoncer  son  royaume:  tu  l'as  servi,  cela  ne  vient  point  de  toy.  Que  faut-il  donc?  Eat-il  question  de  te  reposer,  ou  de  croupir  maintenant?  Nenni:  mais  que  tu  sois  incite  tant  plus  a  parfaire  ta  course:  veu  que  Dieu  t'a  mis  au  droit  chemin,  et  qu'il  t'a  avance,  garde  maintenant  ds  faillir.  Voila  comme  nous  avons  a  prattiquer  este  doctrine.