53:31  31  SERMON  III  32  ticle  bien  notable.  Car  nous  en  voyons  la  pluspart  qui  n'estiment  de  la  Loy  de  Moyse,  sinon  que  c'est  une  regle  de  bien  vivre,  et  que  la  nostre  Seigneur  nous  monstre  sa  volonte,  afin  qu'un  chacun  s'adonne  a  se  maintenir  sainctement,  et  sans  aucune  reprehension.  Il  est  bien  vray  que  c'en  est  une  partie,  mais  ce  n'est  pas  le  tout,  et  mesmes  c'est  un  accessoire,  et  non  point  le  principal,  comme  nous  le  voyons  ici,  que  S.  Paul  met  comme  la  fontaine  de  la  vraye  doctrine,  que  nous  soyons  instruits  en  la  foy.  Et  qu'emporte  ce  mot,  sinon  que  nous  cognoissions  quel  est  nostre  Dieu,  et  le  sentans  estre  nostre  Pere,  que  nous-nous  reposions  du  tout  en  luy,  que  nous  l'invoquions  hardiment,  ne  doutans  point  que  nous  ne  soyons  exaucez,  et  qu'il  ne  nous  vueille  secourir  au  besoin,  et  que  nous  attendions  le  salut  eternel  qu'il  nous  a  promis?  Voila  donc  quelle  est  la  foy  dont  sainct  Paul  parle,  c'est  ascavoir  que  nous  soyons  asseurez  quel  est  nostre  Dieu,  que  nous  l'adorions,  et  qu'un  chacun  ne  bastisse  point  en  son  cerveau  des  idoles,  que  nous  n'ayons  point  un  Dieu  forge  a  l'aventure,  mais  que  nous  scachions  que  le  Dieu  vivant  s'est  revele  a  nous,  et  qu'il  nous  a  adoptez  par  sa  bonte  gratuite.  Et  pourquoy?  Afin  que  nous  puissions  recourir  pleinement  a  luy,  et  que  nous  ne  doutions  point  qu'estans  ses  enfans,  nous  serons  aussi  heriters  de  son  royaume.  Or  par  quel  moyen  pouvons-nous  obtenir  un  tel  privilege,  que  nous  ayons  ceste  hardiesse  d'appeller  Dieu  nostre  Pere,  et  que  nous  venions  a  luy  familierement,  comme  si  nous  en  estions  dignes?  C'est  pource  que  nos  pechez  nous  sont  pardonnez  au  nom  de  nostre  Seigneur  Iesus  Christ,  et  que  quand  nous  sommes  membres  du  Fils  unique,  que  nous  pouvons  conclure  que  Dieu  nous  tient  et  advoue  pour  ses  enfans.  Ainsi  donc  il  faut  que  nostre  foy  regarde  a  nostre  Seigneur  Iesus  Christ,  et  que  nostre  veue  s'addresse  la  du  tout,  ou  autrement  nous  ne  pourrons  approcher  de  Dieu  son  Pere:  car  nous  en  sommes  par  trop  loin  quant  a  nous.  Tout  cela,  comme  i'ay  dit,  est  contenu  en  la  Loy*  Car  Dieu  n'a  point  seulement  declare  par  Moyse  qu'on  vive  droitement,  qu'on  s'abstiene  de  desrobber  et  de  piller,  qu'on  ne  commette  point  faux  tesmoignage,  qu'on  ne  convoite  point  le  bien  d'autruy,  qu'un  chacun  s'acquitte  fidelement  de  son  devoir  en  l'estat  ou  il  sera  appele:  mais  il  a  passe  plus  outre,  c'est  de  monstrer  comme  on  le  doit  servir:  et  non  seulement  cela,  mais  il  a  declare  qu'il  estoit  le  Pere  et  sauveur  de  son  peuple,  avec  lequel  il  a  fait  son  alliance  gratuite,  et  a  monstre  qu'il  tenoit  la  lignee  d'Abraham  pour  son  heritage:  et  puis  ceste  promesse  a  este  ratifiee  par  ies  sacrifices  qui  n'estoyent  sinon  que  figures  du  mediateur  qui  nous  a  este  revele.  Nous  voyons  donc  que  la  Loy  n'enseigne  pas  seulement  comme  nous  devons  con-