52:31  EPIST.  PAULI  AD  PHILIPPENSES  obedientiam,  ut  magis  ad  pergendum  eos  animet.  Quia  autem  hypocritarum  est,  oculis  se  probare:  abi  autem  subducti  sunt  e  conspectu,  sibi  liberius  quasi  amota  reverentiae  et  timoris  causa,  indulgere:  admonet  ne  ad  oculum  modo  se  obsequentes  praebeant,  sed  etiam  absenti  obediant,  idque  multo  magis.  Nam  si  adesset,  coram  assiduis  monitionibus  stimulare  ipsos  et  urgere  posset.  Nunc  ergo  opus  est,  dum  procul  abest  monitor,  ut  ipsi  sibi  insistant.  Cum  timore  et  tremore.  In  hoc  Philippenses  suam  obedientiam  vult  testari  et  approbare,  ut  sint  submissi  et  humiles.  Hic  porro  fons  est  humilitatis,  agnoscere  quam  simus  miseri  et  omnis  boni  inopes  :  ad  quem  ipsos  revocat  hac  sententia.  Unde  enim  superbia,  nisi  ex  securitate:  quam  parit  caeca  considentia,  dum  nobis  placemus,  et  potius  inflati  sumus  virtutis  nostrae  fiducia  quam  recumbimus  in  Dei  gratiam?  Huic  vitio  contrarius  est  timor,  ad  quem  hortatur.  Tametsi  autem  in  contextu  prior  est  exhortatio  quam  doctrina:  ordine  tamen  est  posterior,  quoniam  ex  ea  ducitur.  Proinde  a  doctrina  incipiam.  13.  Deus  est  qui  operatur.  Haec  est  vera  machina  ad  destruendam  omnem  altitudinem:  hic  gladius  ad  conficiendum  omnem  superbiam,  dum  audimus,  nos  prorsus  nihil  esse,  ac  nihil  posse,  nisi  sola  Dei  gratia.  Intelligo  gratiam  supernaturalem  quae  provenit  ex  spiritu  regenerationis.  Nam  quatenus  sumus  homines,  iam  in  Deo  sumus,  et  vivimus,  et  movemur.  Verum  hic  de  alio  motu  disputat  Paulus  quam  illo  universali.  Videamus  nunc  quantum  Deo  tribuat,  quid  relinquat  nobis.  Duae  sunt  praecipuae  partes  in  agendo,  voluntas  et  potentia  effectus.  Utramque  in  solidum  Deo  asserit.  Quid  amplius  nobis  restat  in  quo  gloriemur?  Nec  dubium  est  quin  perinde  valeat  haec  partitio,  ac  si  Paulus  uno  verbo  totum  dixisset.  Voluntas  enim  fundamentum  est:  effectus,  absoluta  aedificii  superficies.  Ac  multo  plus  expressit  quam  si  Deum  initii  et  finis  autorem  dixisset.  Tunc  enim  cavillarentur  sophistae,  aliquid  medium  relinqui  hominibus.  Nunc  autem  quid  omnino  proprium  nobis  reperient?  Multum  sudant  in  suis  scholis  ut  liberum  arbitrium  concilient  cum  Dei  gratia.  Dico  quale  ipsi  fingunt,  quod  et  flexibile  sit  proprio  motu,  et  propriam  separa  tam  q  ue  facultatem  habeat,  qua  Dei  gratiae  cooperetur.  De  nomine  non  litigo,  sed  de  re  ipsa.  Ut  ergo  liberum  arbitrium  conveniat  cum  gratia,  ita  partiuntur:  ut  Deus  quidem  liberam  electionem  in  nobis  reparet,  qua  possimus  bene  velle,  ita  facultatem  benevolendi  ferunt  Deo  acceptam:  homini  vero  bonam  voluntatem  assignant.  Atqui  hanc  Paulus  absque  exceptione  Dei  opus  esse  pronuntiat.  Non  enim  dicit,  corda  nostra  tantum  flecti  vel  incitari,  vel  adiuvari  bonae  voluntatis  infirmitatem: