49:31  31  EPIST.  PAULI  AD  ROMANOS  32  grediuntur:  ac  si  diceret:  Tametsi  non  consentis  aliorum  vitiis,  imo  videris  ex  professo  hostis  ac  vindex  vitiorum:  quia  tamen  ab  illis  non  es  immunis,  si  te  vere  consideras,  non  potes  obtendere  ullam  defensionem.  In  quo  enim  iudicas  alterum.  Praeter  elegantem  verborum  graecorum  allusionem  xptvetv  xat  xaxaxpivetv,  notanda  est  exaggeratio,  qua  utitur  adversus  eos.  Perinde  enim  valet  loquutio  ac  si  diceret:  Bis  es  damnabilis,  qui  iisdem  obnoxius  es  vitiis,  quae  in  aliis  carpis  et  accusas.  Nota  est  siquidem  sententia,  legem  sibimetipsis  indicere  innocentiae,  continentiae,  virtutumque  omnium  eos,  qui  ab  altero  rationem  vitae  reposcunt:  nec  ulla  esse  venia  dignos,  si  eadem  admittant,  quae  sumpserint  in  alio  corrigenda.  Eadem  enim  facis  iudicans.  Ita  est  ad  verbum.  Porro  sensus  est1):  Etiamsi  iudices,  nihilominus  agis.  Et  agere  dicit,  quia  non  recto  sint  animo:  quandoquidem  peccatum  proprie  animi  est.  Itaque  se  ipsos  eo  condemnant,  quia  furem,  aut  adulterum,  aut  maledicum  improbando,  non  in  personas  ferunt  iudicium,  sed  in  vitia,  quae  ipsorum  quoque  ossibus  adhaerent.  2.  Scimus  autem  quod  iudicium  Dei,  ete.  Consilium  Pauli  est,  blanditias  hypocritis  excutere,  ne  se  magnum  aliquid  adeptos  putent,  si  vel  a  mundo  laudentur,  vel  se  ipsi  absolvant:  quia  longe  aliud  examen  eos  in  coelo  maneat  Porro  quia  ipsos  interioris  impuritatis  insimulat,  quae,  ut  humanos  oculos  latet,  redargui  convincique  nequeat  humanis  testimoniis,  ad  Dei  iudicium  provocat,  cui  nec  tenebrae  ipsae  sunt  absconditae,  et  cuius  sensu  tangi  peccatoribus,  velint  nolint,  necesse  est.  Veritas  porro  haec  iudicii  in  duobus  consistit:  quod  sine  personarum  respectu  delictum  puniet,  in  quocunque  deprehenderit  homine:  deinde,  quod  externam  speciem  non  moratur:  nec  opere  ipso  contentus'  est,  nisi  a  vera  sinceritate  animi  prodeat.  Unde  sequitur,  non  obstare  larvam  fictae  sanctimoniae  quomnius  vel  in  occultam  pravitatem  suo  iudicio  animadvertat.  Est  autem  hebraica  phrasis,  quia  veritas  tantundem  saepe  valet  Hebraeis  atque  interior  cordis  integritas:  atque  ita  non  solum  crasso  mendacio,  sed  externae  bonorum  operum  apparentiae  opponitur.  Tunc  autem  demum  expergefiunt  hypocritae,  quum  Deus  non  tantum  de  fucosa  iustitia,  sed  de  occultis  affectibus  iudicium  dicitur  facturus.  3.  Existimas  autem,  o  homo  qui  iudicas  eos  qui  talia  faciunt,  et  eadem  facis,  quod  ipse  efftwies  iudicium  Dei?  4.  An  divitias  bonitatis  ipsius  tolcrantiaeque  ac  lenitatis  contemnis,  ignorans  quod  bonitas  Dei  te  ad  poenitentiam  deducit?  5.  Sed  iuxta  duritiam  tuam  et  cor  poenitere  nescium  thesaurizas  tibi  iram  in  die  irae  et  revelationis  iusti  iudicii  Dei,  6.  qui  reddil)  Id  est: