48:31  31  IN  ACTA  APOSTOLORUM  32  ex  dono  spiritus  sancti,  quod  cernebant,  colligit  exhibitum  iam  esse  C  h  r  i  s  t  u  m  .  Prius  tamen  falsam  illam  opinionem  refellit,  quod  putarent  ebrios  esse  discipulos.  Refutatio  autem  probabili  argumento  constat;  quia  non  soleant  mane  homines  inebriari.  Nam,  ut  inquit  Paulus  (1.  Thess.  5,  6),  qui  ebrii  sunt,  nocte  sunt  ebrii.  Pudore  enim  lucem  fugiunt^  Et  sane  tanta  est  huius  vitii  foeditas,  ut  merito  lucem  horreat.  Neque  tamen  hoc  argumentum  perpetuo  valeret.  Iam  enim  suo  tempore  invehebatur  Isaias  in  eos,  qui  ad  sectandam  ebrietatem  mane  surgebant.  Et  hodie  non  pauci  sunt,  qui  porcis  similes  statim  a  somno  ad  pocula  transsiliunt.  Sed  quoniam  hoc  abhorret  a  communi  hominum  more,  verisimile  esse  Petrus  negat.  Qui  mediocriter  antiquitatis  sunt  periti,  diem  civilem  ab  ortu  solis  ad  occasum  usque  in  duodecim  horas  distributum  fuisse  sciunt.  Ita  horae  aestate  longiores,  hyeme  breviores  erant.  Ergo  quae  nunc  hyeme  nona  esset  ante  meridiem,  aestate  vero  octava,  veteribus  tertia  fuit.  Quod  autem  leviter  tantum  opinionem  ebrietatis  diluit  Petrus,  ideo  fit,  quia  supervacua  fuisset  magis  anxia  excusatio.  Ergo,  ut  in  re  indubia,  eos  qui  ridebant  magis  compescit  quam  docere  laboret.  Caeterum,  non  tam  eos  ex  temporis  circumstantia  refellit,  quam  Ioelis  testimonio.  Nam  quum  dicit,  e  x  h  i  b  e  r  i  quod  praedictum  fuerat,  eorum  ingratitudinem  perstringit,  quod  tam  insigne  beneficium,  iam  sibi  olim  promissum,  nunc,  dum  ante  oculos  est,  non  agnoscant.  Quod  autem  omnibus  exprobrat  paucorum  vitium,  non  ideo  facit,  ut  omnes  eadem  involvat  culpa:  sed  quoniam  ex  illorum  subsannatione  opportuna  occasio  se  dabat  omnes  simul  docendi,  eam  non  negligit.  17.  Erit  in  novissimis  diebus.  Ab  hoc  effectu  probat  exhibitum  iam  esse  Messiam.  Ioel  quidem  novissimos  dies  non  exprimit:  sed  quum  de  plena  ecclesiae  restitutione  disserat,  non  dubium  quin  prophetia  illa  in  solam  competat  ultimam  aetatem.  Quare  nihil  a  Ioelis  mente  alienum  attulit  Petrus:  sed  tantum  explicandi  causa  hoc  verbum  addidit,  ut  scirent  Iudaei  non  aliter  posse  instaurari  ecclesiam,  quae  tunc  collapsa  erat,  quam  si  Dei  spiritu  renovarentur.  Porro  quia  ecclesiae  reparatio  quasi  novum  saeculum  futura  erat,  ideo  Petrus  in  dies  novissimos  eam  confert.  Et  sane  hoc  tritum  ac  familiare  Iudaeis  erat,  magnificas  omnes  promissiones  de  beato  et  bene  composito  ecclesiae  statu  non  ante  completum  iri  quam  dum  Christus  adventu  suo  omnia  in  integrum  restitueret.  Proinde  extra  controversiam  inter  ipsos  erat,  pertinere  ad  ultimum  tempus  quod  adducitur  ex  Ioele.  Iam  per  dies  ultimos  vel  plenitudinem  tempore  notatur  stabilis  ecclesiae  conditio  in  Christi  manifestatione.  Effundam  de  spiritu  meo.  Vult  probare,  (ut  iam  dictum  est)  non  aliter  reparari  posse  ecclesiam