45:31  31  HARMONIA  EVANGELICA.  32  brum  exegetice  additur,  Quod  virtus  Altissimi  eam  obumbrabit.  Spiritus  enim  quasi  essentialis  est  Dei  virtus,  cuius  efficacia  se  profert  atque  exserit  tam  in  tota  mundi  gubernatione  quam  in  miraculis.  In  verbo  obumbrandi  concinna  est  metaphora:  virtutem  Dei,  qua  suos  tuetur  et  protegit,  scriptura  frequenter  umbrae  comparat.  Sed  alia  videtur  esse  huius  loci  peculiaris  ratio,  nempe  arcanam  fore  spiritus  operationem,  ac  si  nubes  opposita  hominum  oculos  ab  intuitu  submoverem  Sicuti  autem  in  edendis  miraculis  Deus  operum  suorum  rationem  nobis  subtrahit,  ita  nostrum  est,  sobrie  adorare  quod  nobis  vult  esse  occultum.  Propterea  quod  nascetur  sanctum.  Confirmatio  est  proximae  sententiae.  Docet  enim  angelus,  Christum  oportere  absque  viri  et  mulieris  coitu  nasci,  ut  sanctus  sit,  et  Dei  filius:  hoc  est,  ut  sanctitate  et  gloria  supra  omnes  creaturas  excellat,  neque  teneat  communem  inter  homines  gradum.  Haeretici,  qui  fingunt  ipsum,  ex  quo  genitus  est  homo,  factum  esse  Dei  filium,  particulam  causalem  arripiunt,  ideo  vocandum  esse  Dei  filium,  quia  mirabiliter  spiritus  sancti  virtute  conceptus  erit:  sed  perperam  ratiocinantur.  Quamvis  enim  manifestatus  sit  filius  Dei  in  carne,  non  sequitur,  quin  fuerit  sermo  ante  saecula  ex  patre  genitus*  Quin  potius  ille  idem,  qui  filius  Dei  erat  in  sua  aeterna  divinitate,  apparuit  etiam  in  humana  carne  Dei  filius.  Caeterum  locus  hic  non  modo  personae  unitatem  in  Christo  commendat,  sed  simul  ostendit  Christum,  quatenus  humanam  naturam  induit,  esse  Dei  filium.  Ergo  filii  Dei  nomen  sicuti  divinae  Christi  essentiae  ab  initio  proprium  fuit,  ita  nunc  coniunctim  in  utramque  simul  competit  naturam,  quia  arcana  et  coelestis  generationis  ratio  eum  a  vulgari  hominum  ordine  exemit.  Alibi  quidem  saepius,  ut  se  vere  hominem  esse  affirmet,  filium  se  hominis  vocat:  sed  non  obstat  humanae  naturae  veritas,  quin  peculiarem  illi  honorem  prae  aliis  omnibus  conciliet  divina  generatio,  quod  scilicet  praeter  ordinarium  naturae  modum  conceptus  ex  spiritu  sancto  fuerit.  Hinc  merito  crescit  nobis  fiducia,  ut  liberius  audeamus  Deum  invocare  patrem,  quia,  ut  eum  nobis  communem  secum  faceret  unicus  eius  filius,  frater  noster  esse  voluit.  Notandum  etiam  est,  quod  Christus,  quatenus  spirituali  virtute  conceptus  est,  dicitur  semen  sanctum.  Quemadmodum  enim  illum  oportuit  esse  verum  hominem,  ut  peccata  nostra  expiaret  mortemque  ac  Satanam  vinceret  in  carne  nostra,  denique  ut  esset  verus  mediator,  ita  necesse  fuit,  ut  alios  purgaret,  immunem  esse  ab  omni  immunditie  et  macula.  Quamvis  ergo  ex  Abrahae  semine  genitus  sit  Christus,  nihil  tamen  contagii  ex  vitiosa  natura  contraxit,  quoniam  ab  ipsa  origine  purum  servavit  Dei  spiritus:  nec  tantum  ut  in  se  privatim  sanctitate  polleat,  sed  magis,