44:31  31  IN  SOPHONIAM  32  Iudaeis,  quia  suas  opportunitates  novit.  Quamvis  ergo  ad  tempus  cohibeat  iram  suam,  proferet  tamen  eam  subito,  ubi  scilicet  dies  advenerit,  et  maturuerit  hominum  iniquitas.  3.  Quaerite  Iehovam  omnes  mansueti  terrae,  qui  iudicium  eius  fecerunt  (pro  fecistis):  quaerite  iustitiam,  quaerite  mansuetudinemj  si  forte  abscondamini  in  die  irae  Iehovae.  Hic  sermonem  propheta  ad  exiguum  numerum  convertit,  quia  videbat  se  nihil  proficere  apud  vulgus  promiscuum.  Quamvis  enim  toti  populo  communis  esset  doctrina,  pauci  erant  qui  attenderent.  Ideo  potuit  animum  deiicere,  nisi  statuisset  aliquod  tamen  semen  manere  in  populo,  et  non  frustra  sibi  iniunctas  fuisse  docendi  et  exhortandi  partes  a  Deo.  Caeterum  simul  ostendit  maiorem  numerum  prorsus  devotum  esse  exitio.  Nunc  videmus  cur  propheta  specialiter  compellet  mansuetos  terrae:  quia  pauci  subierant  iugum  etiamsi  multis  iam  calamitatibus  fracti  essent.  Et  hinc  apparet  non  esse  aequalem  profectum  correctionis  apud  omnes,  quia  bonos  et  malos  Deus  castigaverat,  hoc  est,  totum  populum,  a  minimo  denique  usque  ad  maximum  omnes  multis  cladibus  fuerunt  prostrati:  manebat  tamen  eadem  semper  ferocia:  quemadmodum  Deus  1.  Iesaiae  cap.  conqueritur  se  operam  perdere,  dum  poenas  exigit  de  praefracta  illa  gente.  Caeterum  hinc  docemur,  etiamsi  putent  verbi  ministri  se  frustra  operam  consumere,  quia  surdis  canunt  fabulam,  ut  dicitur  in  proverbio:  non  debere  tamen  deficere  a  cursu  suae  vocationis:  quoniam  semper  aliqui  sunt,  qui  re  ipsa  post  longum  tempus  ostendunt  se  fuisse  divinitus  et  mirabiliter  servatos,  ne    aliis  perirent.  Sed  hoc  praecipue  spectat  propheta,  non  debere  fideles  respicere  quid  agat  multitudo  ��  vel  quomodo  se  gerat:  sed  ubi  Deus  ad  resipiscentiam  ipsos  invitat,  et  spem  veniae  proponit,  celeriter  debere  ad  ipsum  accurrere,  ne  cum  aliis  pereant.  Et  hoc  notatu  dignum  est,  quia  ubi  vocem  suam  attollit  Deus,  alii  alios  obdurant,  et  ita  ultro  citroque  sese  homines  impellunt  ad  exitium:  sic  fit  ut  careat  successu  omnis  doctrina.  Propheta  igitur  remedium  adhibet,  ostendens  perperam  fieri,  ubi  alii  alios  mutuo  respiciunt:  quia  hoc  modo  sese  accendunt  ad  maiorem  rebellionem:  sed  si  qui  sint  mansueti,  eos  debere  esse  flexibiles,  ubi  Dominus  manum  illis  porrigit,  et  ostendit  se  propitium  fore  si  modo  in  viam  redeant.  Vocat  mansuetos  terrae,  qui  profecerant  in  ferulis  Dei.  Nam  Dniy  vocant  Hebraei  afflictos  ab  ruy,  quod  est  affligere  et  humiliare.  Sed  quoniam  ut  plurimum  non  domantur  homines  nisi  virgis,  ideo  &W  metaphorice  vocant  mansuetos,  qui  scilicet  subacti  sunt:  quoniam  luxuriant  homines  in  suis  delitiis:  et  opulentia  fere