42:31  31  SERMON  XXXVI.  32  nouvelles  pour  servir  a  Dieu,  que  ceux-la  sont  prononces  apostats,  et  transgresseurs  qui  ne  demandent  qu'a  dissiper  tout,  et  mettre  a  confusion  la  parole  de  Dieu.  Or  quand  on  viendra  aux  sacrifices  que  font  les  papistes,  on  trouvera  qu'il  n'y  ha  un  seul  mot  de  la  verite  de  Dieu,  et  mesmes  qu'ils  contreviennent  directement  a  sa  parole:  faut-il  donc  qu'on  dispute  beaucoup  la  dessus  quand  Dieu  en  ha  prononce  son  arrest  par  la  bouche  de  l'ange?  Et  ainsi  appliquons  a  nous  cette  doctrine,  qui  est  ici  donnee  au  prophete,  et  toutes  fois  et  quantes  que  nous  verrons  les  hommes  qui  voudront  faire  et  establir  des  services  nouveaux,  que  nous  detestions  cela,  sachans  que  c'est  une  espece  d'apostasie,  que  le  diable  tasche  de  nous  faire  renoncer  a  l'obeissance  de  nostre  Dieu,  et  le  delaisser.  Voila  donc  un  argument  suffisant  pour  abolir  et  cette  abomi-  .  nation  de  messe,  et  tout  ce  qui  est  en  la  papaute,  qu'on  prise,  et  qu'on  estime  tant,  car  dont  est-ce  que  cela  vient?  sous  quelle  couleur  est-ce  que  la  messe  est  entretenue?  Elle  est  fondee,  et  maintenue  sous  la  couleur  d'Onias  (comme  nous  avons  dit)  et  cependant  nous  scavons  que  Iesus  Christ  s'est  presente  une  fois  en  sacrifice,  luy  qui  est  le  principal  sacrificateur,  l'escriture  saincte  declare  que  cette  dignite  la  n'appartient  sinon  a  luy,  et  qu'il  ne  faut  point  que  l'homme  mortel  attente,  ne  presume  de  faire  le  semblable,  l'escriture  saincte  ha  donne  sa  sentence  la  dessus  sur  cette  prestraille  de  la  papaute,  qui  usurpe  ce  qui  est  attribue  au  fils  de  Dieu,  et  quand  Dieu  leur  ha  defendu  expressement  de  faire  ce  dequoy  ils  se  vantent,  c'est  a  scavoir,  de  sacrifier,  et  qu'il  ha  declare  que  tout  cela  ne  luy  est  qu'abomination,  que  voulons-nous  plus  ie  vous  prie?  Ainsi  donc,  nous  pouvons  dire  a  pleine  bouche,  que  les  papistes  sont  des  apostats  qui  renoncent  Dieu,  quelque  couleur  qu'ils  pretendent,  quoy  qu'ils  alleguent,  ou  ceci,  ou  cela,  et  ne  profitent  rien  de  toutes  leurs  defenses,  et  excuses,  puis  qu'ainsi  est  que  Dieu  en  ha  declare  ce  qui  en  est.  Or  cependant  estendons  aussi  cette  doctrine  a  tous  ceux  qui  pervertissent  l'ordre  de  l'Eglise,  nous  scavons  comment  Dieu  veut  que  ses  fideles  se  gouvernent,  c'est  a  scavoir,  que  nous  aions  sa  parole  qui  nous  est  preschee,  que  nous  le  prions  tous  en  commun,  que  nous  aions  l'usage  des  sacremens,  bref,  que  nous  soions  un  corps,  que  nous  soions  unis  tellement  qu'un  chacun  dise,  ie  suis  membre  de  cette  Eglise  ici,  et  pourquoy  membre?  Oar  d'autant  qu'il  y  ha  une  pure  doctrine  qui  est  preschee,  d'autant  qu'il  y  ha  une  mesme  confession  de  foy,  que  ie  fais  avec  les  autres,  d'autant  que  ie  frequente  la  predication,  d'autant  que  ie  viens  a  la  Cene,  comme  voulant  perseverer  en  la  connoissance  que  Dieu  m'ha  donnee  par  son  Evangile,  ie  suis  certain  que  ie  suis  membre  de  l'Eglise,  et  con-