41:31  31  PRAELECTIONES  32  enim  hic  agitur  de  toto  orbe  habitabili,  sed  de  illa  monarchia,  quae  patebat  fere  per  totum  Orientem.  Nam  a  mari  tunc  dominabantur  Medi  et  Persae  usque  in  Aegyptum.  Quum  igitur  tanta  esset  amplitudo  illius  imperii,  Daniel  non  absque  causa  dicit  edictum  fuisse  promulgatum  per  totam  terram.  Pax  vobis  multiplicetur.  Scimus  reges  ita  mulcere  suos  subditos,  et  blandas  praefationes  illis  esse  in  usu,  ut  facilius  eliciant  quod  volunt.  Deinde  ut  habeant  sibi  magis  obsequentes  subditos.  Et  hoc  illis  est  gratuitum,  precari  subditis  suis  pacem.  Interea,  quemadmodum  iam  dixi,  hac  illecebra  favorem  saepe  captant,  ut  subditi  parati  sint  ad  iugum  subeundum.  Nomine  pacis  satis  notum  est  intelligi  statum  prosperum:  quasi  diceret,  Bene  sit  vobis,  ac  feliciter.  Postea  adiungit  positum  esse  decretum  a  conspectu  suo,  hoc  est,  se  hoc  pro  imperio  subditis  omnibus  mandare.  Haec  enim  est  vis  loquutionis.  Positum  ergo  est  a  me  edictum,  hoc  est,  si  apud  vos  imperium  meum  et  potestas  valet,  mihi  hac  in  parte  obtemperate.  Ut  sint  omnes,  inquit,  paventes,  vel,  ut  paveant  omnes,  et  timeant  coram  deo  Danielis.  Per  metum  et  pavorem  nihil  aliud  intelligit,  quam  reverentiam:  sed  loquitur  ut  solent  omnes  profani,  qui  exhorrent  ad  Dei  nomen.  Videtur  tamen  hoc  velle  exprimere,  conspicuam  fuisse  potentiam  dei  Israelis,  quae  merito  tangere  omnes  debeat,  ut  reverenter  ipsum  colant,  idque  cum  metu  et  timore.  Et  videtur  haec  ratio  loquendi  sumpta  esse  ex  recto  principio:  quoniam  nunquam  praestatur  Deo  legitimus  cultus,  nisi  ubi  humiliati  sunt  homines.  Ideo  saepe  Deus  nominat  se  terribilem,  non  quod  velit  adigere  suos  cultores  formidine,  sed  quoniam,  ut  dictum  fuit,  nunquam  ad  reverentiam  compositi  erunt  hominum  animi,  nisi  apprehendant  serio  Dei  potentiam,  ita  ut  sibi  timeant  ab  eius  iudicio.  Sed  si  solus  metus  vigeret  in  animis  hominum,  non  posset  formare  ipsos  ad  pietatem:  quia  tenendum  est  illud  Psalmi  (130,  4),  Apud  te  est  propitiatio,  ut  timearis.  Deus  ergo  non  potest  rite  coli  vel  timeri,  nisi  ubi  persuasi  sumus,  ipsum  esse  exorabilem:  imo  etiam  certi  sumus,  ipsum  esse  nobis  propitium.  Sed  tamen  necesse  est,  metum  et  timorem  praecedere,  qui  humiliet  superbiam  carnis.  Hoc  significant  verba  quae  hic  ponuntur,  ut  omnes  meluant,  et  paveant  coram  deo  Israelis.  Porro  deum  Danielis  vocat  rex,  non  quem  Daniel  fabricasset  sibi,  sed  cuius  erat  cultor.  Merito  Iovem  dicemus  esse  deum  Graecorum,  quia  deificatus  est  eorum  stultitia:  et  inde  obtinuit  nomen  et  celebritatem  in  reliquo  mundo.  Interea  et  Iuppiter,  et  Minerva,  et  turba  illa  falsorum  deorum,  nomen  accipient  a  sua  origine.  Alia  est  ratio,  quum  rex  Darius  nominat  deum  Danielis,  eum  quem  colebat  Daniel:  sicuti  dicitur  deus  Abraham,  non  quod  autoritatem  ab  ipso  Abraham  quasi  precario  sumat,  sed  quia  se