40:31  31  PRAELECTIONES  32  debent  haec  duo,  nempe  procellam  fuisse  excitatam  a  septentrione  :  Deum  vero  in  solio  suo  fuisse  conspectum,  qui  autor  esset  illius  procellae.  Sed  interea,  ut  maiestas  Dei  melius  afficiat  Iudaeos,  simul  dicit  se  vidisse  quatuor  animalia,  et  quatuor  rotas  coniunctas.  Per  quatuor  animalia  intelligit  Cherubim:  et  non  opus  est  aliunde  petere  expositionem.  Ipse  enim  cap.  10  testatur,  quum  vidisset  Deum  in  templo,  fuisse  haec  quatuor  animalia  sub  Dei  pedibus,  et  dicit  fuisse  Cherubim.  Iam  videndum  est  cur  quatuor  animalia  hic  enumeret,  quum  duo  Cherubim  complexi  fuerint  arcam  foederis:  deinde  cur  adscribat  singulis  quatuor  capita.  Nam  si  voluit  sermonem  accommodare  ad  formam  sanctuarii,  cur  non  posuit  duos  Cherubim,  quibus  Deus  contentus  fuit?  Videtur  ergo  hic  discedere  a  praescripto  ipsius  Dei.  Iam  quatuor  capita  et  pedes  rotundi  non  conveniunt  duobus  Cherubim,  a  quibus  circumdata  fuit  arca  foederis.  Sed  solutio  in  promptu  est,  prophetam  sic  alludere  ad  sanctuarium,  ut  tamen  simul  inflectat  suum  sermonem  ad  ruditatem  populi.  Nam  religio  tunc  fere  obsoleverat,  et  tantus  fuerat  contemptus  legis,  ut  nescirent  Iudaei  quaenam  esset  sanctuarii  utilitas.  Deinde  sic  Deum  colebant  ac  si  procul  ab  ipsis  distaret,  neque  reputabant  eius  providentiam  in  rebus  humanis.  Videmus  enim  hic  quam  crassus  fuerit  ipsorum  stupor,  ita  ut  toties  percussi  tamen  nunquam  expergefierent.  Quia  ergo  fere  obtorpuerant  Iudaei,  necesse  fuit  proponi  illis  novam  formam:  et  ideo  propheta  dimidiam  partem  mutatur  ab  ipso  sanctuario,  dimidiam  vero  partem  assumit,  quae  necessaria  erat  populo  tam  rudi.  Quanquam  nihil  ipse  confinxit  ex  suo  cerebro:  sed  nunc  loquor  de  consilio  spiritus  sancti.  Ergo  Deus  noluit  abstrahere  Iudaeos  a  sanctuario  (nam  illud  erat  fundamentum  omnis  rectae  intelligentiae)  sed  quia  videbat  non  sufficere  formam  illam  legalem,  ideo  addidit  subsidium  novum,  quia  dedit  singulis  Cherubim  quatuor  capita:  deinde  voluit  Cherubim  esse  quatuor.  Nunc  quod  numerum  spectat,  non  dubito  quin  Deus  voluerit  docere,  diffundi  suam  virtutem  per  omnes  mundi  plagas.  Scimus  enim  mundum  in  quatuor  partes  dividi.  Ergo  ut  sciret  populus  Dei  providentiam  ubique  dominari  in  mundo,  locati  sunt  quatuor  Cherubim.  Hoc  quoque  memoria  repetere  convenit,  per  Cherubim  designari  angelos,  vel  per  Seraphim.  Vocantur  enim  Seraphim  ab  Isaia  sexto  capite,  qui  vocantur  Cherubim  hoc  loco,  et  10.  cap.  Scimus  autem  angelos  esse  potestates,  et  principatus:  et  scimus  his  elogiis  insigniri,  ac  si  vocaret  eos  scriptura  ipsius  Dei  manus.  Quoniam  ergo  Deus  operatur  per  angelos,  et  utitur  illis  tanquam  ministris  suae  potentiae,  ideo  quum  angeli  prodeunt  in  medium,  illic  etiam  conspicua  est  Dei  providentia,  et  potestas  in  regendo  toto  mundo.  Haec  igitur