39:31  31  PRAELECTIONES  32  fuisse  intractabiles,  quia  non  sustinuerint  corrigi.  1D1D  quidem  accipitur  pro  doctrina  interdum:  sed  proprie  hic  pro  correctione  sumitur,  ubi  scilicet  quispiam,  qui  alioqui  tenebat  quid  rectum  esset,  ubi  deflexit  a  recta  via  postea  resipiscit  admonitus.  Videmus  ergo  quid  sibi  velit  propheta,  nempe  Iudaeos  non  tantum  oculos  clausisse  ad  claram  lucem  quae  in  lege  fulgebat:  sed  fuisse  prorsus  immorigeros,  ita  ut  non  potuerint  subigi  quum  Deus  ipsos  ad  resipiscentiam  vocaret,  quum  vellet  sanare  ipsorum  morbos,  fuisse  ea  pervicacia  ut  abiecerint  omnem  correctionem  et  disciplinam.  Hinc  colligimus  fuisse  maturum  vindictae  tempus,  quia  Deus  omnia  tentaverat,  ut  consuleret  ipsorum  saluti,  et  perdiderat  operam  et  oleum,  quemadmodum  vulgo  dicitur.  Sequitur,  34.  Et  posuerunt  abominationes  suas  in  domo  super  quam  invocatum  est  nomen  meum,  ad  polluendum  ipsam.  Hic  fuit  quasi  extremus  cumulus  scelerum,  quod  Iudaei  templum  ipsum  profanarunt.  Hoc  iam  grave  erat  crimen,  dum  quisque  habebat  privata  sacra  domi  suae,  quemadmodum  vidimus  fecisse  ipsos  suffitum  super  tecta,  deinde  libasse  diis  alienis:  sed  dum  eo  usque  prorupit  impietas,  ut  templum  quoque  ipsum  idolis  fuerit  pollutum,  quaenam  spes  erat  resipiscentiae?  Dicit  posuisse  suas  abominationes  in  templo.  Vocatur  quidem  domus  more  hebraico,  sed  postea  distinguitur  ab  aedibus  privatis  quum  dicit,  Super  quam  invocatum  est  nomen  meum.  Deinde  ut  polluerent  ipsam.  Deus  hic  ostendit  templum  sibi  fuisse  dicatum:  ergo  sacrilega  fuit  illa  profanatio  cum  offerrent  sacrificia  idolis  privatim.  Erant  iam  quidem  apostatae,  sed  tale  sacrilegium  non  eminebat  in  privatis  illis  superstitionibus  sicuti  in  templo.  Nam  hoc  erat  eripere  Deo  suum  honorem:  etiamsi  illis  fas  fuisset  sese  proiicere  ad  omne  flagitium  quum  essent  ex  templo  egressi,  tamen  templum  ipsum  debuerat  manere  quasi  salvum  et  intactum  ab  omni  inquinamento.  Hac  igitur  ratione  dicit  invocatum  illic  fuisse  nomen  suum:  deinde  templum  ipsum  fuisse  pollutum,  ita  ut  sacro  eius  nomini  non  parcerent.  Reliqua  differam  in  crastinum  diem.  35.  Et  aedificarunt  excelsa  ipsi  Baal,  qui  erat  in  valle  filii  Hinnom  (vel  quae  erant)  ad  traiiciendum  filios  suos  et  filias  suas  ipsi  Moloch  ("jbftb  idolo)  quod  non  mandavi  ipsis,  et  non  ascendit  in  cor  meum:  ad  faciendum  abominationem  hanc,  ut  peccaret  Iehudah  (vel  ut  peccare  facerent  Iehudah).  Postquam  conquestus  est  Deus  de  templi  sui  profanatione,  nunc  dicit  etiam  alio  genere  super-