38:31  31  PRAELECTIONES  32  suas  docuerint  mentiri.  Unde  etiam  colligimus  nullam  fuisse  fidei  partem  apud  ipsos  salvam,  quum  scilicet  linguae  eorum  ad  fallacias  ita  edoctae  essent:  quemadmodum  si  quis  usu  aliquid  didicerit.  Statim  illud  occurrit:  sicubi  linguae  formatae  sunt  continuo  usu,  et  exercitatae  ad  mentiendum,  nihil  aliud  possunt  quam  mentiri.  Postremo  dicit  fatigatos  esse  maleficiis.  Hoc  quidem  est  hyperbolicum,  sed  interea  aptissime  exprimit  propheta  deploratum  populi  statum,  quod  scilicet  exercerent  se  in  maleficiis,  usque  ad  fatigationem:  quemadmodum  ubi  quis  stulta  cupiditate  aliquo  rapitur,  non  parcit  labori,  et  sibi  multum  nocet,  non  sentit  ipsam  lassitudinem  quantisper  est  in  actu,  quia  fervor  ipsum  dementat:  sic  etiam  dicit,  ipsos  fatigatus  esse  maleficiis.  Si  quis  venator  persequitur  feram,  plus  subibit  laboris,  quam  ullus  opifex,  vel  ullus  agricola.  Videmus  et  reges  ipsos  et  aulicos  proceres  quum  sunt  in  venatione,  ita  esse  excaecatos,  ut  etiam  non  cernant  ullum  periculum,  nec  sentiant  lassitudinem.  Ita  videmus  homines  voluptuarios,  dum  libido  huc  vel  illuc  ipsos  rapit,  non  sentire  ullam  molestiam  ex  maxima  fatigatione.  Hac  igitur  similitudine  dicit  propheta  fatigatus  fuisse  maleficiis,  quasi  diceret,  sic  addictos  fuisse,  ut  voluptas  male  agendi  ipsos  prorsus  excaecaret  et  redderet  amentes.  Nunc  tenemus  consilium  prophetae.  Confirmat,  quemadmodum  dixi,  superiorem  doctrinam.  Minatus  enim  fuerat  populo  ultimum  interitum  :  omnes  erant  securi,  et  spernebant  illas  denuntiationes.  Nunc  a  natura  et  officio  Dei  ostendit  instare  illis  cladem,  quam  non  metuunt,  et  a  qua  putant  se  satis  superque  esse  protectos.  Nam  si  Deus  est  iudex  mundi,  quemadmodum  postea  sequetur,  qui  fieri  potest,  ut  conniveat  usque  ad  finem  ad  tanta  scelera?  Et  hac  ratione  etiam  subiicit,  6.  Tu  habitas  in  medio  doli  (hoc  est,  inter  homines  dolosos:  nam  subaudiendum  est  nomen,  quemadmodum  saepe  alibi  vidimus  genitivum  casum  poni  pro  epitheto,  et  subaudiri  nomen  substantivum.  Tu  igitur  habitas  inter  homines  dolosos),  in  dolo  renuunt  cognoscere  me,  dicit  Iehovah.  Hic  propheta  inducit  Deum  loquentem,  ut  intelligant  Iudaei  sibi  non  esse  cum  homine  mortali  negotium.  Poterant  enim  pro  solita  sua  contumacia  excipere,  Tu  quidem  nos  atrociter  condemnas,  et  probrose  traducis:  sed  quis  te  constituit  iudicem?  Ne  igitur  existiment  verba  quae  hactenus  protulit,  esse  hominis,  hic  Dei  autoritatem  interponit,  Tu,  inquit,  habitas  in  medio  populi  dolosi.  Sed  interim  notandum  est,  hanc  admonitionem  prophetae  fuisse  necessariam  ob  duas  causas.  Nam  quum  Deus  examinet  mentes  et  corda  verbo  suo,  necesse  est  verbi