35:31  31  SERMON  CXXI  32  si  quelqu'un  a  chemine  droitement)  la  il  nous  faut  tenir  bridez.  Et  pourquoi?  Car  nous  ne  saurons  que  c'est  de  ce  conseil  de  Dieu,  iusques  a  ce  qu'il  nous  Tait  revele.  Voila  comme  il  nous  faut  iuger  quant  aux  autres.  Et  cependant  si  nous  voyons  les  meschans  estre  corrigez  comme  ils  Tont  merite,  ne  les  condamnons  pas  seulement,  mais  appliquons  cela  a  nostre  usage,  comme  S.  Paul  aussi  nous  le  monstre  (1.  Cor.  10):  c'est  que  nous  cheminions  en  crainte  de  Dieu  estans  instruits  aux  despens  d'autrui.  Voila  Dieu  qui  punist  les  paillards,  les  larrons,  les  rebelles  :  or  c'est  afin  que  nous  apprenions  de  cheminer  en  son  obeissance,  et  que  nous  ne  provoquions  point  son  ire,  comme  ceux  qui  nous  voyons  estre  si  durement  traittez.  C'est  donc  ce  que  nous  avons  a,  faire,  quand  Dieu  nous  donne  a  contempler  sa  vengeance  en  ceux  qui  lui  ont  este  du  tout  rebelles.  Si  nous  voyons  les  bons  estre  ainsi  visitez,  il  nous  faut  penser,  Helas  !  si  le  bois  verd  est  ainsi  iette  au  feu,  et  que  sera-ce  du  sec?  Quand  nous  ferions  comparaison  de  nous  avec  ceux  qui  sont  comme  a  demi  trespassez,  nous  verrons  de  plus  grandes  vertus  en  eux  :  et  toutes  fois  ils  sont  traittez  plus  grievement  beaucoup  que  nous.  Il  faut  donc  dire  que  Dieu  nous  supporte:  car  s'il  n'avoit  pitie  de  nous,  que  seroit-ce?  Et  quand  nous  sommes  resveillez  par  ce  moyen,  cognoissons  que  c'est  afin  de  ne  nous  plus  donner  liberte  de  mal  faire,  mais  que  nous  soyons  retenus  et  comme  liez,  aiin  de  nous  assuiettir  pleinement  a  nostre  Dieu.  Avonsnous  ainsi  considere  les  verges  et  les  corrections  que  Dieu  envoye  sur  nos  prochains?  Que  de  nostre  coste,  quand  nous  aurons  nostre  tour,  et  que  Dieu  nous  punira,  voire  pour  nos  pechez,  nous  cognoissions,  O  il  ne  faut  pas  d'autres  tesmoins  que  nostre  conscience  propre,  c'est  un  iuge  assez  suffisant  pour  nous  condamner.  Mais  si  puis  apres,  Dieu  quelquesfois  nous  est  rigoureux,  et  que  nous  ne  voyons  point  la  raison  pourquoi,  et  bien,  ne  perdons  point  courage,  ne  disputons  point  avec  Dieu  pour  nous  troubler,  s'il  ne  fait  a  nostre  appetit  :  mais  que  nous  apprenions  plustost  a  nous  consoler:  et  combien  qu'il  semble  que  Dieu  nous  soit  ennemi  mortel,  et  qu'il  foudroye  contre  nous,  esperons  toutes  fois  en  lui,  comme  nous  avons  veu  ci  dessus  que  Iob  parloit.  Voila  donc  comme  il  nous  faut  estre  prudens  a  iuger  des  chastimens  que  Dieu  nous  envoye,  aussi  bien  que  nous  devons  estre  moderez  envers  nos  prochains.  C'est  ce  que  nous  avons  a  retenir  sur  ce  passage  d'Eliu,  quand  il  dit,  Que  c'est  folie,  si  les  hommes  se  veulent  amuser  aux  afflictions  presentes  pour  dire,  Voila  Dieu  qui  a  renverse  une  creature,  quand  sa  main  sera  si  cruelle  sur  lui,  qu'elle  sera  si  dure  et  si  aspre.  Il  ne  faut  pas  dire,  que  nous  suivions  ceste  regle  generale.