34:31  31  SERMON  LXIV  32  nos  prochains  seront  affligez,  et  qu'ils  demanderont  nostre  aide,  et  que  cependant  nous  serons  sourds,  que  nous  les  roietterons,  et  qui  pis  est,  qu'encores  les  tormenterons  nous:  il  faut  bien  que  nous  sentions  ceste  vengeance-la,  que  Dieu  nous  fera  crier,  voire  qu'il  nous  mettra  en  confusion  telle  que  nous  ne  saurons  que  devenir,  et  que  cependant  il  ne  nous  escoute  point.  Advisons  donc  (comme  i'ay  desia  touche)  que  pour  avoir  Dieu  propice,  nous  ayons  aussi  compassion  de  ceux  qui  endurent  quelque  mal,  voire  pour  leur  subvenir:  et  gardons-nous  de  toute  cruaute  et  excez,  afin  que  ce  qui  est  escrit  ne  s'accomplisse  point  sur  nous,  Qu'il  nous  soit  rendu  en  pareille  mesure  que  nous  aurons  fait  a.  nos  prochains.  Voila  en  somme  ce  que  nous  avons  a  noter  de  ce  passage.  Or  il  s'ensuit  puis  apres:  Aussi  maintenant  voici  mon  tesmoin  au  del,  et  celuy  qui  me  pleige  est  aux  lieux  tres-hauts.  Mes  amis  sont  rhetoriqueurs  contre  moy:  et  mes  yeux  distillent  larmes  envers  Dieu.  Ici  Iob  appelle  devant  Dieu,  comme  celuy  qui  est  seul  Iuge  suffisant,  pource  qu'il  estoit  condamne  a  tort  par  les  hommes.  Or  il  ne  doute  point  d'appeller  devant  Dieu,  sachant  bien  que  sa  cause  est  bonne.  Vray  est  (comme  desia  nous  avons  dit)  qu'il  la  deduit  mal:  mais  en  ce  faisant,  si  est-ce  qu'il  avoit  iuste  cause  de  maintenir  son  integrite.  Voila  donc  pourquoy  il  ne  craint  point  d'appeller  devant  Dieu,  pource  qu'il  voit  que  les  hommes  le  persecutent  iniustement.  Mais  regardons  quel  a  este  Iob,  afin  que  nouB  n'usions  point  d'une  telle  hardiesse  a  la  volee,  comme  la  plus  part  en  font.  Quand  il  est  question  d'appeller  Dieu  en  tesmoin,  ie  vous  prie,  qui  est-oe  qui  en  fait  difficulte,  ni  scrupule?  Le  monde  est  auiourd'huy  plein  de  pariures,  et  n'y  a  point  de  foy.  Et  d'ou  vient  cela?  C'est  d'autant  que  nous  n'avons  nulle  apprehension  du  iugement  de  Dieu,  nous  venons  heurter  contre  son  siege  ainsi  que  des  bestes  sauvages.  Car  qu'est-ce  qu'un  pariure?  C'est  un  despitement  de  Dieu,  comme  s'il  n'avoit  puissance  ni  authorite  pour  nous  punir:  nous  ne  pouvons  pas  nier  qu'ainsi  ne  soit,  quand  nous  appellons  Dieu  pour  nostre  tesmoin,  et  pour  nostre  iuge.  Celuy  donc  qui  iure  faussement,  celuy-la  se  mocque  pleinement  de  la  maieste  de  Dieu:  et  si  voit  on  neantmoins  que  les  hommes  ne  s'en  soucient  pas  beaucoup.  En  cela  donc  on  appercoit  que  nous  portons  peu  de  reverence  a  la  maieste  de  Dieu.  Et  d'autant  plus  devons-  nous  bien  observer  ce  que  i'ay  dit,  c'est  assavoir,  qu'il  ne  nous  faut  point  estre  trop  hardis  quand  nous  faisons  une  protestation  devant  Dieu,  et  que  nous  l'appellons  en  tesmoin  :  mais  que  nous  venions  la  comme  estans  prests  de  rendre  conte  devant  luy.  Et  Iob  s'y  est  bien  ainsi  adiourne:  comme  nous  avons  desia  veu  cy  devant,  et  que