33:31  31  SERMON  I  32  a  fin  de  nous  acquiter  de  nostre  devoir  envers  eux  selon  que  nous  sommes  admonnestez  pour  les  aider,  pour  vivre  en  equite,  et  droicture:  et  puis  que  Dieu  nous  a  conioints  les  uns  aux  autres,  qu'un  chacun  advise  d'employer  toutes  ses  facultez  au  bien  commun  de  tous.  Voila  comment  c'est  que  nous  avons  a  regarder  et  Dieu,  et  les  hommes  pour  bien  reigler  nostre  vie,  car  celuy  qui  se  regarde,  il  est  certain  qu'il  n'a  que  vanite  en  soy:  car  si  un  homme  veut  ordonner  sa  vie,  tellement  qu'il  semble  aux  hommes  qu'il  n'y  ait  que  redire  en  luy  et  cependant  que  Dieu  le  desavoue,  qu'est-ce  qu'il  gaignera,  quand  il  aura  mis  grand'  peine  de  cheminer,  en  sorte  qu'un  chacun  le  magnifie?  Il  n'y  a  que  pollution  quant  a  Dieu,  et  faut  que  la  sentence  escrite  en  sainct  Luc.  (16,  15)  soit  accomplie,  Que  ce  qui  est  haut  et  excellent  devant  les  hommes,  n'est  qu'abomination  devant  Dieu.  Notons  donc  que  iamais  nous  ne  pourrons  ordonner  nostre  vie  comme  il  appartient,  si  nous  n'avons  les  yeux  fichez  en  Dieu,  et  a  nos  prochains.  En  Dieu,  et  pourquoy?  A  fin  que  nous  sachions  que  nous  sommes  creez  a  sa  gloire,  pour  le  servir  et  adorer  :  car  combien  qu'il  n'ait  pas  affaire  de  nous,  comme  auront  nos  prochains,  et  que  cela  ne  luy  apporte  ne  chaud  ne  froid,  si  est-ce  qu'il  a  voulu  avoir  des  creatures  raisonnables,  qui  le  cogneussent,  et  l'ayans  cognu,  luy  rendissent  ce  qu'il  luy  appartient.  Au  reste  quand  il  est  parle  de  la  crainte  de  Dieu,  notons  que  ce  n'est  pas  une  crainte  servile  (qu'on  appelle)  mais  c'est  pour  l'honneur  que  nous  luy  devons,  comme  il  est  nostre  pere  et  nostre  maistre.  Craignons-nous  Dieu?  il  est  certain  que  nous  ne  demanderons  qu'a.  l'honorer,  et  a.  estre  du  tout  siens.  Le  cognoissons-nous?  Il  faut  que  ce  soit  en  telle  qualite  comme  il  se  declare,  c'est  a  savoir,  nostre  Createur,  et  celuy  qui  nous  maintient,  et  qui  monstre  une  telle  bonte  paternelle,  qu'il  faut  bien  que  nous  luy  soyons  enfans,  si  nous  ne  luy  voulons  estre  par  trop  ingrats.  Il  faut  aussi  que  nous  cognoissions  la  maistrise  et  superiorite  qu'il  a  sur  nous,  a  fin  que  luy  rendans  l'honneur  qui  luy  est  deu,  un  chacun  de  nous  aprenne  a  luy  complaire  en  tout  et  par  tout.  Voila  comme  sous  ce  mot  de  crainte  de  Dieu,  toute  la  religion  est  comprinse,  c'est  a  savoir  tout  le  service,  et  l'hommage  que  les  creatures  doivent  a  ,leur  Dieu.  Or  c'a  este  une  vertu  bien  excellente  en  Iob  de  craindre  ainsi  Dieu,  veu  que  tout  le  monde  s'estoit  destourne  du  droit  chemin.  Quand  nous  oyons  cela,  apprenons  que  nous  n'aurons  nulle  excuse,  encores  que  nous  conversions  entre  les  plus  desbordez  du  monde,  si  nous  ne  sommes  adonnez  au  service  de  Dieu,  comme  nous  devons.  Or  cecy  est  bien  a  noter,  pource  qu'il  semble  a  beaucoup  de  gens,  quand  ils  sont  entre  les  espines,  que  les  voila  quites  et  bien