32:31  31  PSALMUS  XCV.  32  gratuito  Dei  beneficio  excellat  supra  omnes  gentes,  vehementior  est  sermo  :  sicuti  pleniorem  laudis  materiam  nobis  Deus  suppeditat  dum  spirituali  honore  nos  dignatur,  et  praeter  meritum  anteponit  cunctis  mortalibus.  Itaque  tribus  verbis  rem  unam  designat,  ut  scilicet  filii  Abrahae  se  totos  illi  addicant.  Verum  quidem  est,  tanti  momenti  esse  Dei  cultum,  de  quo  concionatur  propheta,  ut  omnes  nostros  conatus  sibi  merito  vendicet:  sed  notanda  est  circumstantia,  quod  scilicet  paternum  Dei  favorem  commendet,  quo  Deus  solos  Abrahae  filios  complexus  erat,  ut  in  spem  spiritualis  et  aeternae  vitae  eos  adoptaret  Hoc  quoque  notandum  est,  non  tantum  de  cordis  gratitudine  hic  agi,  sed  simul  requiri  professionem  externam  pietatis.  Hoc  enim  tribus  verbis  exprimitur,  officio  suo  non  defungi  fideles,  nisi  palam  et  genu  flexione  et  aliis  signis  I)eo  se  in  sacrificium  offerant.  Faciem  Dei  eo  quo  nuper  dixi  sensu  accipio,  ut  scilicet  ante  arcam  foederis  populus  se  prosternat:  quia  sermo  de  legali  cultu  habetur.  Semper  tamen  addenda  est  exceptio,  ut  sublatis  in  coelum  oculis,  spiritualiter  Deum  colant  fideles.  7.  (Quia  ipse  Deus  noster.)  Quamvis  in  hunc  finem  creatum  sit  totum  humanum  genus,  ecclesia  tamen  non  abs  re  vocatur  Dei  plantatio  in  eius  laudem.  Itaque  merito  officium  hoc  specialiter  ab  electo  populo  exigit  propheta.  Haec  ratio  est  Cur  admoneat  filios  Abrahae  de  inaestimabili  privilegio  quo  ipsos  dignatus  fuerat  quum  eos  in  suam  curam  susciperet.  Nam  etsi  quodammodo  hoc  ad  totum  humanum  genus  posset  extendi,  certum  tamen  est,  Deum  vocari  ecclesiae  suae  pastorem,  non  qualiter  reliquos  mortales  promiscue  alit,  sustinet  ac  gubernat:  sed  quia  eam  a  toto  mundo  distinxit,  ut  paterno  sinu  foveat.  Vocatur  ergo  populus  pascuorum  quem  Deus  peculiari  cura  et  tuetur,  et  prosequitur  omni  beneficiorum  genere.  Poterat  quidem  distinctius  loqui,  vocando  gregem  pascuorum,  et  populum  manus:  vel,  si  tantum  nomen  legis  posuisset,  continua  fluebat  metaphora:  sed  non  adeo  curavit  sermonis  elegantiam,  modo  populum  de  inaestimabili  adoptionis  gratia  moneret,  cuius  finis  erat  ut  sub  Dei  fide  ac  tutela  degeret,  bonisque  omnibus  frueretur.  Grex  manus  vocatur  non  tam  quod  a  Deo  formatus  sit,  quam  eo  quod  regitur  eius  manu.  Gallice  dicimus  le  troupeau  de  sa  conduite.  Quanquam  autem  antithesis  quam  nonnulli  observant,  paulo  forte  argutior  est  quam  ferat  genuinus  prophetae  sensus,  Deum  scilicet  pascendo  populo  intentum  esse,  nec  uti  conductitiis  pastoribus:  dubium  tamen  non  est  quin  exprimere  voluerit  propheta  propinquum  illum  et  familiarem  gubernationis  modum  qui  tunc  in  uno  duntaxat  populo  refulsit,  non  quod  hominum  operas  Deus  abiiceret,  qui  sacerdotibus,  prophetis,  iudicibus,  deinde  etiam  regibus