29:31  31  SERMON  CLXXXIV.  32  menaces  qui  estoyent  ici  faites:  c'est  que  Dieu  se  vengeroit  de  l'ingratitude  de  ce  peuple,  apres  en  avoir  long  temps  endure.  Maintenant  il  adiouste:  Ne  faut-il  pas  que  ce  peuple  soit  bien  despourveu  de  sens  et  de  raison,  quand  il  ne  regarde  point  a  ceci,  quand  il  ne  cognoist  point  son  issue?  Or  non  sans  cause  Moyse  marque  ici  ce  que  le  peuple  devoit  avoir  cogneu  :  car  nous  avons  esto  enseignez  par  ci  devant,  que  Dieu  s'est  tellement  reserve  ce  qui  est  de  son  conseil  incomprehensible,  qu'il  nous  a  rendu  la  doctrine  de  la  Loy  familiere:  il  veut  qu'elle  soit  tenue  pour  nous  y  exercer  en  toute  nostre  vie.  Quand  donc  Dieu  a  parle,  que  sa  volonte  nous  est  mise  devant  les  yeux  :  notons  que  ce  n'est  point  en  vain:  comme  aussi  il  proteste  par  son  Prophete  Isaie:  Nous  ne  pouvons  pas  alleguer  que  ce  soit  chose  obscure,  et  qui  outrepasse  nostre  sens.  Nous  ne  devons  plus  dire:  Qui  est-ce  qui  passera  la  mer?  Qui  montera  par  dessus  les  nues,  et  descendra  iusques  aux  abysmes?  La  parolle  estant  en  nostre  bouche  et  en  nostre  coeur  nous  doit  bien  suffire.  Or  il  est  vray  qu'encores  que  Dieu  ait  parle,  qu'il  faut  bien  qu'il  nous  esclarcisse  par  son  S.  Esprit  nos  sens,  ou  tousiours  nous  demeurerons  sans  intelligence:  mais  si  nous  regardons  la  doctrine  en  soy,  elle  nous  est  toute  patente,  et  Dieu  se  revele  en.  icelle  assez  priveement.  Voila  donc  ce  que  nous  avons  a  retenir  sur  ce  passage:  c'est  que  Moyse  reproche  au  peuple,  qu'il  avoit  este  appelle  a  Dieu  en  telle  facon  qu'il  ne  pouvoit  errer,  s'il  n'eust  voulu:  et  davantage  que  son  issue  luy  estoit  monstree.  Et  par  ce  mot  d'issue  il  comprend  toute  la  felicite  qui  est  promise  a  tous  enfans  de  Dieu,  qui  s'adonnent  a  luy,  qui  s'appuyent  sur  ses  promesses,  et  qui  cheminent  tousiours  en  son  obeissance:  que  la  confusion  et  ruine  de  ceux  qui  ont  mesprise  une  telle  grace,  qui  se  sont  alienez  de  luy,  et  abastardis  de  sa  parolle,  tous  contempteurs,  tous  rebelles.  Moyse  donc  notamment  parle  de  ce  mot  d'Issue  a  ceste  fin  et  intention.  Or  maintenant  nous  avons  a  faire  nostre  profit  de  ceste  doctrine.  Et  en  premier  lieu  notons  (comme  desia  nous  avons  dit)  que  nous  pourrons  estre  les  plus  subtils  du  monde,  et  cependant  nous  serons  estimez  de  Dieu  bestes  brutes  et  sans  raison,  sinon  que  nous  regardions  a  luy.  Voila  donc  le  principal  de  nostre  sagesse,  c'est  que  nous  ayons  les  yeux  ouverts  pour  contempler  la  clarte  de  vie,  que  nous  ayons  bien  profite  en  l'eschole  de  nostre  Dieu  pour  l'adorer:  que  nous  ne  soyons  plus  comme  bestes  errantes,  ne  sachans  celuy  qui  nous  a  creez  et  formez,  ne  sachans  aussi  quels  nous  sommes.  Et  au  reste  apprenons  de  recevoir  la  parolle  de  Dieu  en  toute  simplicite,  et  ne  doutons  pas  que  la  il  ne  s'approche  de  nous  si  privement  que  nous  ne  pourrons  pas  alleguer  qu'il  nous  faille  faire  longs