28:31  31  SERMON  CXXVII.  32  bien  y  avoir  autre  espace.  En  somme  nous  voyons  maintenant  que  nostre  Seigneur  a  voulu  que  la  terre  fust  tellement  semee,  que  les  victuailles  qui  estoyent  vendues  en  son  peuple  fussent  simples,  et  en  leurs  especes:  et  la  dessus  ii  a  comprins  (comme  nous  avons  desia  touche)  qu'on  ne  desguisast  rien,  et  qu'on  observast  l'ordre  de  nature.  Or  si  le  bled  est  falsifie  au  grenier,  c'est  bien  autant  ou  plus,  que  s'il  y  avoit  des  semences  meslees  au  champ.  Quand  donc  ce  qui  doit  servir  a  la  nourriture  des  hommes  est  ainsi  abastardi,  il  n'y  a  plus  nulle  loyaute:  et  cependant  on  voit  que  les  hommes  sont  subtils  a  cela,  et  que  tousiours  ils  auront  des  facons  nouvelles:  voire  les  uns  pour  leur  profit,  les  autres  pour  autre  regard:  ou  pour  complaire  a  quelques  curiositez.  Il  vaudroit  tousiours  mieux  retenir  Tordre  que  nostre  Seigneur  a  institue:  car  c'est  la  reigle  qu'on  doit  suyvre:  et  quand  il  n'y  auroit  point  mauvaise  consequence,  encores  devonsnous  tousiours  nous  tenir  la:  puis  que  Dieu  nous  a  baille  ceste  reigle,  qu'il  y  ait  simplicite  entre  nous,  qu'on  la  suyve.  Mais  nous  voyons  encores  que  tous  les  meslinges  qui  se  font,  proviennent  de  quelque  astuce  ou  finesse,  ou  de  quelque  curiosite  et  ambition:  et  puis  ils  tendent  a  un  profit  mauvais,  c'est  a  dire,  quand  on  ne  regarde  point  au  dommage  d'autruy,  et  qu'un  chacun  pensera  trop  a  soy,  pour  dire:  O  ceci  me  viendra  bien  a  propos,  i'en  auray  meilleure  desfaite,  et  on  ne  s'advisera  point  de  la  chose:  ou  bien,  encores  cela  passera  parmi  d'autre  marchandise,  et  elle  n'en  sera  pas  moins  estimee:  or  cependant  ie  trouve  a  mon  conte  qu'il  m'en  reviendra  tel  profit.  Quand  nous  voyons  donc  que  les  meslinges  procedent  d'une  mauvaise  source,  et  qu'ils  tendent  a  un  mauvais  but,  ne  sont-ils  point  a  condamner  au  double?  Il  est  certain.  Or  cependant  retenons  (comme  i'ay  desia  dit)  que  quand  Dieu  n'a  point  voulu  que  les  semences  fussent  meslees  parmi  les  champs,  qu'il  a  aussi  bien  defendu  toutes  autres  mixtions  qui  se  font  par  malice.  Si  le  vin  est  brouille  au  tonneau,  n'est-ee  pas  aussi  mal  fait  et  plus,  que  si  on  faisoit  quelque  meslinge  par  les  vignes?  Et  ainsi  qu'on  regarde  a  l'intention  de  Dieu,  et  qu'on  se  contienne  en  simplicite,  et  qu'en  somme  l'ordre  de  nature  soit  observe.  Or  il  adiouste:  Qu?on  ne  laiiourera  point  la  terre  avec  un  boeuf  et  un  asne.  Ici  il  y  peut  avoir  double  regard:  c'est  que  les  bestes,  quand  elles  ne  sont  point  accoupplees  ensemble,  sont  plus  molestees  beaucoup  du  travail:  et  puis  le  labeur  de  terre  n'est  point  si  loyaument  fait:  et  il  est  impossible.  Or  il  est  ici  notamment  parle  des  asnes:  pource  qu'ils  les  ont  autres  en  ce  pais-la  qu'ici:  car  ce  sont  asnes  de  charge,  qui  peuvent  porter  comme  mulets,  qui  sont  forts  et  robustes  quatre  fois  autant  que  ceux  de  ces  pais.  Et  pour-