27:31  31  SERMON  LXX.  que  nous  vaguions  sentans  les  signes  de  Tire  de  Dieu:  oar  toutes  les  miseres  desquelles  nous  sommes  environnez,  sont  autant  de  tesmoignages  pour  nous  faire  baisser  les  testes,  pour  nous  faire  sentir  que  nous  sommes  miserables  pecheurs,  que  nous  sommes  dignes  non  seulement  d'un  chastiement  temporel,  mais  que  Dieu  nous  abysme  iusques  aux  enfers.  Cependant  toutesfois  cela  n'est  point  pour  nous  tirer  en  desespoir:  car  moyennant  que  nous  recourions  a  nostre  Seigneur  Iesus  Christ,  sachons  que  Dieu  ne  laissera  point  de  nous  recevoir  a  pitie.  Car  si  Moyse  a  este  exauce,  qui  estoit  un  povre  pecheur:  que  sera-ce  de  celuy  qui  a  toute  iustice  en  perfection?  de  celuy  auquel  la  dignite  est  baillee  de  reconcilier  vrayement  Dieu  avec  les  hommes?  Ainsi  donc  puis  que  nostre  Seigneur  Iesus  Christ  est  constitue  moyenneur,  ne  doutons  pas  encores  que  Dieu  nous  tienne  en  ce  monde  comme  des  povres  bannis,  et  qu'il  se  retire  de  nous,  et  s'eslongne  en  apparence:  tant  y  a  que  nous  ne  sommes  point  privez  de  l'heritage  qu'il  nous  a  promis,  et  acquis  par  nostre  Seigneur  Iesus  Christ.  Mais  quoy  qu'il  en  soit,  ne  le  tentons  point,  n'abusons  point  de  sa  patience:  mais  poisons  bien  ce  mot,  quand  Moyse  dit  qu'il  a  este  exauce  pour  ce  coup  :  car  c'est  pour  nous  tenir  en  bride  courte,  afin  que  les  hommes  ne  se  flattent  point,  quand  Dieu  leur  aura  pardonne:  mais  qu'ils  advisenfc  de  corriger  leurs  vices,  de  retenir  leurs  mauvais  appettits,  afin  de  ne  se  point  adonner  au  mal:  mais  qu'ils  le  hayssent,  qu'ils  le  detestent,  afin  que  ce  que  Dieu  aura  commence  en  eux,  il  le  continue,  iusques  a  ce  que  les  ayans  despouillez  de  tous  les  empeschemens  de  ce  monde,  ii  les  mette  en  possession  de  la  vie  eternelle.  Quand  nous  en  ferons  ainsi,  nous  pourrons  hardiment  protester  que  nous  avons  loue  Dieu,  que  nous  luy  avons  donne  une  telle  gloire  qu'il  merite,  et  que  nous  avons  occasion  de  nous  esiouyr,  quand  nous  pourrons  surmonter  toutes  tentations  de  deffiances  qui  nous  pourroyent  advenir,  ne  doutans  point  que  nostre  bon  Dieu  ne  nous  soit  propice,  encores  que  nous  n'en  soyons  pas  dignes.  LE  TROISIESME  SERMON  SUR  LE  CHAP.  X.  V.  12.14.  DU  IEUDl  12E  DE  SEPTEMBRE  1555.  Moyse  continue  ici  le  propos  que  nous  avons  ouy  ces  iours  passez,  c'est  assavoir  que  Dieu  avoit  use  d'une  grace  merveilleuse  envers  son  peuple,  quand  il  luy  avoit  pardonne  tant  d'offenses  et  si