26:31  31  SERMON  XIII.  32  nous  voyons  (comme  i'ay  desia  touche)  que  ceste  doctrine  a  este  escrite  pour  nostre  usage  et  instruction  :  qu'il  nous  faut  tousiours  retenir  la  similitude  qui  est  entre  nous  et  le  peuple  ancien.  Et  pourtant  qu'un  chacun  en  premier  lieu  n'appette  point  de  rien  posseder,  sinon  ce  qu'il  recoit  de  la  main  de  Dieu:  comme  nous  luy  demandons  tous  les  iours  nostre  pain  ordinaire.  Que  donc  nous  n'attendons  point  de  nous  enrichir  par  moyens  illicites,  par  fraude,  par  violence,  que  nous  ne  pratiquions  point  par  mauvaises  astuces  ceci  ou  cela:  mais  qu'un  chacun  suyve  son  train  en  simplicite,  que  nous  entreprenans  seulement  ce  que  Dieu  nous  permet,  et  que  nous  apprenions  de  reigler  nostre  vie  selon  sa  parolle,  attendans  la  benediction  qu'il  luy  plaira  de  nous  donner.  Et  que  ceux  qui  ont  du  bien,  soyent  tousiours  prests  d'en  estre  despouillez  quand  il  luy  plaira:  et  que  ceux  qui  n'ont  pas  ce  qui  seroit  a  souhaitter,  qu'ils  portent  leur  povrete  en  patience.  Voila  ce  que  nous  avons  a  retenir  en  premier  lieu.  Secondement,  quand  il  est  question  d'entreprendre,  que  nous  soyons  hardis  de  faire  ce  que  Dieu  nous  commande:  sur  tout  quand  nous  avons  sa  promesse,  comme  il  en  est  ici  parle.  Voila  qui  discerne  (comme  desia  nous  avons  dit  par  ci  devant)  entre  la  vraye  prudence  des  fidelles,  et  la  temerite  de  ceux  qui  font  des  chevaux  eschappez,  et  s'esgarent.  Car  les  fidelles  attendent  que  Dieu  les  certifie,  que  l'issue  de  ce  qu'ils  entreprennent  sera  bonne:  et  quand  ils  ont  sa  promesse,  ils  marchent,  et  n'entreprennent  rien  qui  soit  au  contraire.  Les  incredules  concoyvent,  et  quand  ils  ont  fait  leurs  discours,  sans  s'enquester  quelle  est  la  volonte  de  Dieu,  ils  concluent  qu'il  faut  faire  ce  que  bon  leur  semble:  et  la  dessus  rien  ne  leur  est  difficile.  En  cela  il  n'y  ha  qu'une  presomption  qui  est  pour  les  ruiner.  Or  le  vray  fondement,  c'est  que  nous  ayons  la  promesse  de  Dieu,  et  qu'estans  appuyez  sur  icelle,  nous  facions  ce  qu'il  nous  commande.  Que  si  nous  avons  un  tel  regard,  nous  suyvrons  le  contraire  de  ce  que  i'ay  dit.  Car  au  lieu  que  nous  sommes  tant  timides  en  bonnes  querelles  et  que  Dieu  approuve,  pour  lesquelles  il  nous  faudroit  efforcer:  nous  aurons  une  constance  invincible,  qu'un  chacun  regardera  quel  est  son  devoir.  Voici  mon  Dieu  qui  me  commande  d'ainsi  faire:  or  il  est  vray  que  i'auray  des  assauts,  et  des  fascheries  beaucoup,  ie  me  pourray  trouver  empesche  du  coste  des  hommes:  mais  c'est  assez  que  Dieu  soit  mon  garent:  puis  qu'il  ordonne  que  ie  le  face  ainsi,  il  n'est  point  question  de  douter.  Et  puis  nous  avons  la  promesse,  comme  iamais  Dieu  ne  nous  dira:  Faites,  qu'il  ne  declare  qu'il  sera  avec  nous.  Or  quand  nous  savons  qu'il  est  pour  nous  maintenir  en  despit  de  tous  les  meschans,  et  de  tous  ceux  qui  sont  irritez:  quand  nous  aurons