21:31  31  TIE  DE  CALVIN  quelque  forme  a  ceste  Eglise  nouvellement  dressee.  Il  fit  aussi  le  Catechisme  qu'on  peut  bien  appeler  l'un  de  ses  excellens  ouvrages,  et  qui  a  fait  un  merveilleux  fruict:  estant  si  bien  recueilli  que  de  Francois  il  a  este  depuis  traduit  en  Hebrieu  pour  gagner  les  Iuifs,  en  Grec  et  en  Latin  pour  les  escoles,  mesmes  en  Italien,  Allemand,  Anglois,  Escossois,  Flamand  et  Hespagnol,  pour  toutes  ces  nations.  Ces  heureux  commencemens  despleurent  grandement  a  Satan  et  aux  siens,  qui  ne  faillirent  pas,  comme  il  n'estoit  malaise  sur  les  premiers  changemens  d'estat  et  de  religion,  de  s'opposer  a  la  pratique  de  l'Evangile,  combien  qu'elle  eust  este  iuree  par  tous  ceux  de  ceste  ville.  M.  Calvin  d'autrepart,  comme  il  avoit  un  esprit  vrayement  heroique,  s'opposa  fort  et  ferme  aux  seditieux  avec  ledit  M.  Farel,  et  un  autre  bon  personnage  nomme  Couraut,  aussi  Ministre  de  ceste  Eglise,  aveugle  des  yeux  corporels,  mais  clair-voyant  des  yeux  de  l'Esprit  [page  22]  lequel  aussi  ledit  Calvin  avoit  attire  de  Basle,  la  ou  il  s'estoit  retire  a  cause  des  ardentes  persecutions  de  la  France.  L'issue  fut  telle  que  le  Seigneur,  voulant  tout  d'un  coup  retirer  ses  serviteurs  de  la  presse,  purger  ceste  ville  de  certains  mutins  qui  abusoyent  du  nom  de  l'Evangile,  planter  son  nom  ailleurs  et  finalement  faconner  son  serviteur  par  une  experience  des  choses  qui  depuis  luy  ont  grandement  servi,  il  fut  ordonne,  la  plus  grand  part  du  Conseil  surmontant  la  meilleure,  que  les  dessusdits  sortiroyent  dans  24  heures,  pour  n'avoir  pas  voulu  administer  la  Cene  en  une  cite  ainsi  troublee  et  meslee.  Cela  estant  annonce  audit  Calvin,  sa  response  fut  que  s'il  eust  servi  aux  hommes  il  seroit  mal  recompense:  mais  qu'il  avoit  servi  a  celuy  qui  au  lieu  de  mal  recompenser  ses  serviteurs  payoit  ce  qu'il  ne  devoit  point,  Et  c'estoit  a  bon  droit  qu'il  parloit  ainsi,  car  il  avoit  en  suyvi  l'exemple  de  S.  Paul  en  servant  a  l'Eglise  a  ses  propres  cousts  et  despens.  Ii  se  retira  donc  au  grand  regret  de  tous  les  bons,  premierement  a  Basle,  puis  a  Strasbourg:  la  ou  estant  recueilli  comme  un  thresor  par  ces  excellens  hommes  M.  Martin  Bucer,  Capito,  Hedio  et  autres  qui  pour  lors  reluisoyent  comme  perles  precieuses  [page  23]  en  l'Eglise  de  Dieu,  il  y  dressa  une  Eglise  Francoise,  y  establissant  mesmes  la  discipline  Ecclesiastique,  ce  que  iamais  toutesfois  les  Allemans  n'ont  peu  obtenir  iusques  a  present  pour  leur  Eglise.  Il  lisoit  aussi  en  Theologie  avec  grande  admiration  d'un  chacun:  et  lors  il  commenca  d'escrire  sur  S.  Paul,  dediant  son  Commentaire  sur  l'Epistre  aux  Romains  a  M.  Simon  Grinee  tenu  le  plus  docte  des  Allemans  et  son  grand  ami.  Il  eut  aussi  cest  heur  entre  autres  qu'il  ramena  a  la  foy  un  fort  grand  nombre  d'Anabaptistes  qu'on  luy  adressoit  de  toutes  parts,  et  entre  autres  un  nomme  Iean