20:31  31  EPISTOLAE  3958.3961  32  mexcuser  en  ma  briefvete,  car  l'affliction  du  corps  ma  quasy  esbeste  lesprit.  Aiant  veu  le  discours  de  voz  affaires,  ie  reviens  tousiours  la  de  voir  et  iuger  ce  qui  est  licite,  et  puis  possible.  Sil  estoit  question  de  combatre  a  bon  escient,  ie  ne  vois  point  a  quel  tiltre  vous  le  puissiez  faire,  puisque  Dieu  vous  a  desarme.  De  reculer  et  divertir,  ie  le  trouve6)  bon,  et  sur  tout  afin  que  vous  aiez  loisir  dessaier  quelle  voulonte  et  moien  auront  Messieurs  les  contes  6)  de  vous  secourir  :  car  sans  eulx  ie  ne  vois  pas  que  vous  puissiez  soustenir  le  faictz.  Au  reste  encores  qu'ils  se  ioingnissent  avec  vous,  encores  fauldroit  il  estre  fonde  en  droict  :  car  dattenter  rien  sans  que  nous  serons  appellez  et  admenez,  iamais  il  nen  adviendra  bien.  Je  ne  dictz  pas  qu'il  ne  se  puisse  trouver  iuste  occasion:  mais  elle  ne  mest  pas  encores  congnue,  et  voila  pourquoy  ie  ne  vous  oseroie  pas  conseiller  de  conclurre  a  faire  guerre,  si  ie  ne  suis  mieulx  informe.  Les  moiens  me  semblent  du  tout  deffaillir,  n'estoit  que  Monsieur  le  conte  de  Beauvais  attirat  son  compaignon  a  faire  plus  que  ie  nespere,  attendu  la  nature  de  tous  les  deux.  Ce  pendant  ie  ne  dictz  pas  fcque  vous  quictiez  du  premier  coup  la  place  pour  vous  mectre  en  la  gueule  des  loups,  mais  de  contrevenir  directement  au  commandement  du  Roy,  ie  ne  vois  pas  que  Dieu  le  vous  permette.  Il  reste  donc  d'aviser  iusques  ou  les  excuses  se  peuvent  estendre,  tant  du  delay  que  ferez  de  poser  les  armes,  que  du  refus  davoir  Monsieur  de  Nemours  pour  gouverneur.  Je  considere  les  inconveniens  que  vous  alleguez.  Mais  ie  me  tiens  pour  toute  response  au  dire  d'Abraham:  Dieu  y  pourvoira:  comme  de  faict  lapostre  nous  admoneste  quil  est  fidelle,  et  ainsy  qu'il  ne  permettra  que  nous  soions  tentez  oultre  nostre  portee.  Des  particularitez  ie  ny  touche  point,  sinon  qu'il  seroit  bon  a  mon  advis  d'escrire  a  Messieurs  les  Contes  ouvertement,  et  vous  offrir  a  leur  tenir  bonne  compaignie,  en  ce  qui  sera  trouve  bon  pour  leur  donner  bon  courage.  Je  ne  doubte  pas  que  vous  n'aiez  escript  a  Monsieur  ladmiral  de  vostre  estat,  qui  servira  de  sommation  pour  luy  faire  prendre  la  charge  et  en  estre  soulage.  Monsieur,  apres,  etc.  De  Geneve,  ce  25.  may  1563.  5)  je  ne  le  trouve  Bt.  6)  Crus&ol  et  Beauvais.  Le  roi  ecrivit  a  Crussol  le  l  l  .  Mai  de  congedier  les  troupes  en  attendant  l'arrivee  du  marechal  de  Vieille  ville,  charge  de  faire  executer  l'edit  d'Amboise  dans  le  Lyonnais  et  les  provinces  avoisinantes.  (Arnaud  I  188.)