16:31  31  EPISTOLAE  2388.2390  32  dictionum  obsoletae  tabulae,  quibus  ista  dissidia  foventur.  Rideret  haec  Dernocritus,  fleret  Heraclitus,  hic  nimis  molliter,  ille  valde  leviter,  utrumque  ut  merito  reprehendat  Seneca.8)  Nos  vero  quid  in  his  angustiis  faciemus,  nullum  fletum  sed  perpetuum  risum  adversariorum  nostrorum  conspicientes?  Utinam  liceret  sanis  consiliis  locum  aliquem  in  subselliis  assignare,  neque  penderent  omnia  ab  autoritate.  Nunc  ea  sunt  tempora  quae  ex  persona  de  consilio  iudicant,  ut  vix  hiscere  audeant  qui  paci  et  tranquillitati  populi  Dei  consultum  cupiunt,  noruntque  expendere  quid  sit  aureo  hamo  piscari,  quod  valde  metuo  nos  facturos,  si  nondum  fecimus.  Credo  enim,  si  faex  illa  opum  et  imperii  Victoriani  sub  auctione  venalis  prostaret,  iniquissima  aestimatione  emi  posse  universam  iis  nummis  quos  hactenus  utrinque  in  legationes,  altercationes  et  lites  eius  rei  disceptandae  et  componendae  exhausimus.  Neque  ullus  adhuc  impensarum  modus  ac  finis,  quum  de  integro  renovemus  quasique  ab  inferis  revocemus  semisepultas  controversias,  gliscente  utrinque  studio  exercendi  ingenium  et  ostentandi  dexteritatem  rerum  gerendarum  aerarii  dispendio;  idque  9)  tanto  impetu  et  fervore  quasi  de  aris  et  focis  sit  in  discrimine  pars  alteri  concedens:  ut  mirari  satis  non  liceat,  tot  orbis  totius  mala  et  res  adversas,  pericula,  dissidia,  ecclesiarum  ruinas  et  solitudines,  Turcarum  Germaniae  imminentem  dominationem  et  rerum  naturae  diem  Domini  tanti  non  esse  ut  nostra  studia  ab  istis  quisquiliis  quibus  volutamur  ad  meliores  cogitationes  revocent.  Et  tamen  10)  ubi  ad  extrema  quaeque  digladiatur��  fuerit,  si  transactione  res  componatur,  litis  aestimatio  caput  causae  superabit,  animorum  exulcerationes  amicitiam  omnem  suffoeabunt.  Si  armis  (quod  Deus  avertat),  victor  flebit  cum  suis  spoliis  Victorianis.  Neque  video  tamen  quomodo  possit  ista  controversia  ita  componi  ut  non  subinde  repullulent  nova  dissidia  (tanta  est  foecunditas),  quamdiu  ista  imperia  Bernensia  et  Victoriana  erunt  permixta.  Placebat  itaque  permutatio  aliqua,  quales  ipse  plures  reipublicae  nomine  cum  privatis  tractavi,  ut  rebus  utrinque  ex  aequo  et  bono  aestimatis  suum  Geneva  imperium  seorsim  obtineret.  Si  permutatio  displiceat,  emptio  et  venditio  tentanda  erat,  ut  pars  altera  rerum  controversarum  summam  aut  partem  intricatissimam  aere  ab  altera  redimeret.  Si  ne  hoc  quidem  arrideat,  dividere  potius  inter  nos  amice  ista  debebamus  et  decumano  limite  contentionem  dirimere,  quam  tanta  atrocitate  ius  quique  suum  tueri.  Sed  nostri  quiritantur  :  nihil  horum  tentari  vobiscum  posse,  quod  ad  omnem  mentionem  diminutionis  imperii  vestri,  uxoribus  8)  Undecim  postrema  verba  desunt  ap.  Simlerum^  9)  Itaque  S.  10)  quidem  8.