11:31  EPISTOLAE  214.216  quatuor  aut  quinque  totam  de  ea  re  sollicitudinem  adimet  mihi  alia  occupatio,  quae  me  aliquantulum  exercebit.  Quoniam  temere  ad  coenam  irrumpebant  multi:  quum  die  paschatis  edicerem  futuram  nobis  coenam  proximo  die  dominico,  simul  denunciavi,  neminem  admissum  iri  a  me,  qui  non  prius  se  ad  probationem  obtulisset.  Praecipua  autem  difficultas  erit  in  corrigenda  stolida  cupiditate,  quae  Gallos  quosdam  sic  occupavit,  ut  vix  revelli  ex  eorum  animis  queat.  Scis  leges  illas  esse  latas,  ut  seholastico  habitu  contenti  gladios  deponant,  ut  nomina  edant  apud  rectorem,  et  similes.  Eas  ut  eludant,  eiurant  professionem  literarum.  Sed  quia  apparet  manifesta  contumacia,  eam  statui  nullo  modo  ferre.  Malo  enim  abeant  omnes,  quam  ut  hic  maneant  cum  disciplinae  iactura.  Rogavit  me  nuper  Leo  Iudas,  ut  sibi  epistolam  meam,  ex  duabus  illis,  quas  ante  annos  quatuor  scripsi,  priorem,  edere  germanice  liceret  addito  nomine.  Alteram  enim  sine  nomine  his  nundinis  publicavit,  qua  scilicet  papisticos  episcopos  demulceo  et  adulor.  Responsio  quam  dedi,  fuit  peramica:  sed  tamen  simul  acres  monitiones  continebat.  Paulo  ante  simili  fere  argumento  scripseram  ad  Bullingerum.  Si  bene  succedet,  scies  quid  consilii  capiam.  Nostri  adhuc  in  consultatione  desident.  Tempus  autem  ideo  sic  proferunt,  quia  nondum  certum  responsum  habent  a  Caesare:  qui  tamen  multo  mitiorem  se  ostendere  incipit.  Ferociam  eius  nonnihil  domuit  congressus  Angli  cum  Bege  nostro  :  qui  multum  momenti  habere  poterit  ad  commutandas  omnes  eius  rationes*  Hoc  sophismate  usus  fuerat,  ut  regi  nulla  in  re  fidem  suam  obstringeret:  multis  autem  ac  liberalissimis  spebus  ipsum  inflaret.  Iam  ergo  Bex  sibi  Mediolani  esse  videbatur.3)  Nuper  autem  quum  animum  eius  tentaret  per  legatum,  comperit  non  facile  eo  adduci  posse.  Dicitur  enim  rerum  omnium  optionem  detulisse  Regi:  modo  ne  Mediolanum  peteret.  Ea  igitur  de  causa  profectus  est  ad  illum  Connestabilis  :  qui  si  non  impetraverit,  paratiores  fore  ad  bellum  quam  unquam  fuerint  suspicamur.  Neque  vero  in  tanto  rerum  cardine  cessabit  Anglus:  multo  etiam  minus  Admiraldus,4)  qui  in  pristinum  honoris  ac  gratiae  locum  restitutus  est.  Ante  paucos  menses  videbimus,  nisi  fallor,  miram  scenae  conversionem.  Sed  interim  ardenter  rogandus  est  Dominus,  ut  in  hac  nostris  et  consilium  expediat,  et  animum  confirmet.  Dominus  vos  omnes  diu  sibi  incolumes  servet.  In  primis  vale  integerrime  frater.  Salutant  te  Capito,  Sturmius,  Bedrotusi  Claudius,  frater  meus.  Nicolaus  et  alii  nesciverunt  me  scribere.  4.  Calend.  April.  1540.  3)  Banke,  IV.  146.  4)  Earl  of  Southhampton.