10.2:31  31  EPISTOLAE  19  bis.  32  putet.  Si  enim  oblectatio  animi  requiesque  curarum  quaeritur,  quae  spectent  et  valeant  ad  bene  beateque  vivendum,  christiana  philosophia  abunde  suppeditat,  motus  animi  turbulentos  quasi  habenis  quibusdam  coercet.  Quum  *  tanta  sit  evangelii  laub  et  dignitas,  non  parum  gaudeo  mihi  datam  occasionem  illius  explicandi,  meque  in  eo  esse  magistratu,  qui  id  muneris  necessitate  quadam  *  requirat.  Sed  in  tam  ubere  tamque  immensa  rerum  copia,  unde  principium  aut  ubi  finem  nostra  sumet  oratio?  Sane  quia  amplior  est  dicendi  campus  quam  oratione  complecti  possim,  eum  evangelii  locum  potissimum  explicabo  qui  *  hodierno  die  in  ecclesia  legi  solet.  Sed  priusquam  rem  aggrediar,  illud  ardentibus  votis  mecum  impetretis  velim  a  Christo  optimo  maximo,  qui  verus  est  et  unus  apud  patrem  intercessor,  ut  foecundo  illo  suo  spiritu  mentes  nostras  illustret,  ut  quemadmodum  ipse  est  gloria  patris,  omnium  honorum  autor,  ita  nostra  oratio  illum  laudet,  illum  sapiat,  illum  spiret,  illum  referat.  Rogabimus  ut  in  nostros  animos  illabatur,  nosque  gratiae  spiritualis  succo  irrigare  dignetur.  [Quod  nos  consequuturos  spero,  si  beatissimam  virginem  solenni  illo  praeconio  *  salutaverimus  :  Ave  gratia  *]  1)  Beati  pauperes  spiritu.  Matth.  5.  Principio  quis  sit  huius  *  evangelii  scopus,  ac  quo  omnia  referri  debeant,  diligenter  *  est  investigandum:  quod  ex  evangelii  ac  legis  descriptione,  deinde  utriusque  inter  se  collatione  facile  intelligetur.  Ergo  evangelium  bonum  est  nuncium  et  salutifera  de  Christo  praedicatio,  quod  a  Deo  patre  missus  sit,  ut  omnibus  opem  ferat,  et  vitam  aeternam  conciliet.  Lex  praeceptis  continetur,  minatur,  urget,  nullam  pollicetur  benevolentiam.  Evangelium  nullis  minis  agit,  non  impellit  praeceptis,  summam  Dei  erga  nos  benevolentiam  docet.  Qui  igitur  pure  et  sincere  evangelium  interpretari  volet,  omnia  ad  praedictas  exigat  descriptiones.  Quam  tractandi  rationem  qui  non  sequuntur,  nunquam  satis  feliciter  in  Christi  philosophia  versabuntur.  Hoc  vitium  perditissimi  sophistae  incurrerunt,  qui  de  lana  caprina  perpetuo  contendunt,  rixantur,  altercantur,  nihil  de  fide,  nihil  de  amore  Dei  *  *  nihil  de  veris  operibus  disserunt  *  *,  omnia  calumniantur,  omnia^  labefactant,  omnia  suis  legibus,  id  est,  sophisticis'  coercent.  Vos  rogo,  quotquot  hic  adestis,  ut  has  haereses,  has  in  Deum  contumelias  nunquam  aequo  animo  feratis.  Sed  unde  digrcssa  est  eo  redeat  nostra  oratio.  19  bis.  1)  Quae  uncis  includimus  m  codice  atramento  deleta  sunt.