9:309  309  DE  OCCULTA  DEI  PROVIDENTIA.  310  terrogent  impii,  quia  malitiae  radicem  intus  in  corde  suo  deprehendunt,  teste  conscientia  abunde  convinci,  non  alibi  quaerendam  esse  culpam:  et  tamen  Deum  pravas  eorum  voluntates  quo  visum  est  flectendo,  malis  bene  uti.  Quod  obmurmuras,  dilucide  iam  monstravi  te  non  mihi  sed  Deo  litem  [pag.  95]  intendere.  Deum  utinam  ex  animo  patrem  luminum  agnosceres  :  nempe  quemadmodum  definit  Paulus  (1  Tim.  6,  16),  ne  tua  audacia  perrumperes  ad  lucem  inaccessam,  imo  ne  sacrilega  petulantia  eam  verteres  in  tenebras.  Porro  ex  Iacobi  sententia  (1,  17)  stulte  colligis,  quia  omne  donum  optimum  a  patre  luminum  descendit,  non  descendere  ab  eodem  horribiles  vindictas,  ad  quas  tremunt  pii,  et  expavescunt.  Stultius  etiam  ex  me  quaeris,  an  vitiosos  affectus  et  perversos  numerem  inter  bona  dona.  Quasi  vero  spiritus  sapientiae,  iudicii  et  prudentiae,  nihil  a  spiritu  soporis  et  vertiginis  differat  :  quasi  etiam  non  alius  sit  regenerationis  spiritus,  qui  fideles  refingit  ad  imaginem  Dei,  quam  spiritus  Dei  malus,  qui  reprobos  adigit  in  furorem:  sicuti  de  Saule  legimus.  Simili  impudentia  exagitas  quod  doceo,  per  Satanam  et  reprobos  Deum  exercere  sua  iudicia  in  gloriam  [pag.  96]  suam.  Satanam  instrumentum  esse  irae  suae  Deus  tam  verbo  quam  experientia  clare  testatur.  Quorsum  vero  dicemus  per  manum  Satanae  Deum  operari,  nisi  ut  gloriam  suam  illustret?  Videris  tibi  hoc  lepido  cavillo  eludere,  quia  non  tribuitur  Deo  iustitia  ex  mendacio:  sed  an  tu  Deum  impedies  quominus  ex  tuo  scelere  eliciat  gloriae  suae  materiam?  Certe  nihilominus  quam  immani  sua  superbia  obsistere  potuit  Pharao,  ne  in  ipso  fulgeret  Dei  gloria,  quoniam  in  hunc  finem  ordinatus  erat.  Obtendis  Nabuchadnezer  dedisse  gloriam  Deo,  ubi  iustitiam  eius  confessus  est  (Dan.  4,  34).  Ut  scias  quam  secure  obtusa  tua  iacula  contemnam,  libenter  in  hac  causa  te  adiuvo,  et  suggero  quod  tibi  in  mentem  non  venit:  Iosue  dum  hortatur  Acham,  ut  det  gloriam  Deo,  nihil  aliud  agere,  nisi  ut  detecto  mendacio  sacrilegium  suum  prodat  (Ios.  7,  19).  Sed  iam  quaeritur,  an  unus  duntaxat  modus  [pag.  97]  sit  illustrandae  gloriae  Dei,  quod  si  ea  non  fulgeret  ex  hominum  mendaciis,*  frustra  Paulus,  ubi  dixit  unum  Deum  esse  veracem,  cunctos  vero  mortales  esse  mendaces,  continuo  post  rogaret,  si  nostra  iniustitia  Dei  iustitiam  commendat,  an  iniustus  est  ipse  Deus  (Rom.  3,  4)?  Quod  obiicis  Deum  velle  in  suis  beneficiis  laudari,  verum  quidem  est,  modo  concedas  multiplicem  esse  sylvam  ex  qua  Deus  profert  atque  educit  laudes  suas.  Atque  hic  iustas  superbiae  tuae  poenas  luis,  quod  dialecticam  ex  professo  deridens  semper  arguis  a  specie  ad  genus  negative.  Neque  longa  refutatione  scurrile  dicterium  dignabor,  ubi  Deum  iniustum  fore  arguis,  si  barbatos  puniat,  eo  quod  barbam  gestant  quam