7:309  ao9  CALUMNIAS.  31a  sione  sic  excepit  hominem,  ut  eum  suae  petulantiae  valde  poeniteret;  ac  tali  quidem  usus  est  exordio:  Nuper  quum  me  coena  exciperet  Carolus,  ego  eram  illi  integerrimus  frater:  Farellum  iubebat  amanter  salutari;  omnes,  quos  nunc  haereticos  nominat,  habebat  pro  fratribus;  fraternam  coniunctionem  se  perpetuo  nobiscum  velle  colere  profitebatur:  Arianismi  nulla  -mentio.  Ubi  tunc  erat  gloria  Dei?  ubi  honor  dominorum  Bernensium?  ubi  fidei  sinceritas?  ubi  unitas  ecclesiae?  Aut  te  perfidum  fuisse  Deo  et  hominibus  scelestumque  veritatis  proditorem  fatearis  necesse  est,  aut  omnibus  palam  est  te  alio  affectu  ad  hanc  criminationem  impelli  quam  prae  te  feras,  [pag  34]  Cuius  enim  conscientiae  est  coenam  Domini  iam  bis  celebrasse  eum  collega  Ariano?  Si  scintillam  ullam  haberes  aut  verae  pietatis  aut  recti  zeli,  sustineres,  te  connivente,  abnegari  filium  Dei  a  fatribus  et  collegis  tuis?  Sustineres  cum  illis  communicando  tantae  impietatis  contagio  te  polluere?  Sed  fingamus  nihil  interesse,  quis  te  zelus  instiget.  Quaero  unde  scias  me  Ariana  haeresi  infectum  esse?  Nam  de  fide  mea  luculentum  testimonium  reddidisse  mihi  videor,  nec  reperies  qui  vehementior  sit  in  asserenda  Christi  divinitate.  Lucubrationes  meae  versantur  in  hominum  manibus,  quibus  saltem  hoc  consequutus  sum,  ut  omnes  ecclesiae  recte  sentientes  me  ac  fidem  meam  approbent.  Tu  quod  unquam  fidei  tuae  documentum  edidisti,  nisi  forte  in  lustris  et  cauponis?  Haec  enim  fuit  tua  militia  in  qua  te  hactenus  exercuisti.  Dic  ergo,  agedum,  quo  iure  me  Arianismi  insimules?  Hac  enim  infamia  volo  me  liberari,  nec  patiar  tam  indignam  suspicionem  in  me  residere.  Quum  acrius  urgeretur  a  Calvino,  veritus  poenam  calumniae,  extemplo  retractavit  coram  consessu  quod  dixerat,  seque  Calvinum  missum  facere  testatus  est,  nec  ullam  illi  maculam  aspergere,  si  modo  causam  Farelli  non  susciperet,  pia  enim  esse  eius  scripta  et  de  trinitate  recte  semper  loquutum  esse.  Tum  Viretus  subsequutus  orationem  Calvini  hominem  ipse  quoque  ad  similem  recantationem  adegit.  En  primum  [pag.  35]  virtutis  Carolinae  stratagema  in  hoc  sacro  bello,  in  quo  se  unicum  gloriae  Dei  vindicem  facit.  Quum  iam  tanto  dedecore  conspersus  esset,  addiderunt  Calvinus  et  Viretus  :  Nos  vero  absentium  causam  suscipimus,  quos  scimus  abs  te  innoxios  traduci.  Et  quoniam  ea  est  causae  gravitas  ut  synodi  cognitionem  postules,  petimus,  honorandi  viri  et  fratres  qui  hic  sedetis,  ut  nobis  sitis  adiutores  in  synodo  apud  senatum  impetranda.  Quid  interea  Carolus?  Tremere  ac  sudare,  quia  praeceps  in  eum  locum  venerat,  unde  retrocedere  non  esset  integrum.  Postridie  senatum  adeunt  Calvinus  et  Viretus:  quam  accusationem  struxerit  Carolus  indicant,  demonstrant  opus  esse  synodo,  eam  primo  quoque  die  sibi  dari  postulant.  Respondet  senatus  fore