52:309  309  CAPUT  V.  31o  genere.  Mihi  generalis  sententia  magis  probatur.  Solet  enim  Paulus,  etiam  quum  aliquod  particulare  argumentum  tractat  probationes  ex  generalibus  principiis  afferre:  et  rursus  elicere  ex  particularibus  sententiis  universalem  doctrinam.  Et  certe  plus  habebit  hoc  ponderis,  si  conveniat  tam  viris  quam  mulieribus.  Dicit  ergo  eos  fidem  abnegasse,  qui  suos  omnes,  maximeque  domum  propriam  non  curant.  Et  merito:  nulla  enim  in  Deum  est  pietas,  ubi  quis  ita  humanitatis  sensum  exuere  potest.  An  fides,  quae  filios  Dei  nos  facit,  deteriores  redderet  brutis  pecudibus?  Manifestus  ergo  Dei  contemptus  est  talis  inhumanitas  et  fidei  abnegatio.  Necdum  eo  contentus  Paulus,  crimen  exaggerat,  dicens,  inf  i  d  e  l  i  esse  d  e  t  e  r  i  o  r  e  m  ,  qui  suorum  obliviscitur.  Quod  duabus  de  causis  verum  est:  nam  quo  plus  quisque  in  cognitione  Dei  profecit,  eo  minus  habet  excusationis.  Ergo  infidelibus  sunt  peiores,  qui  in  clara  Dei  luce  caecutiunt.  Deinde  hoc  genus  officii  est  quod  natura  ipsa  dictat.  Sunt  enim  azopYai  cootxai.  Quod  si  natura  duce  infideles  ultro  propensi  sunt  ad  suos  amandos,  quid  de  iis  sentiendum  qui  nullo  tali  affectu  tanguntur?  Nonne  impios  ipsos  feritate  superant?  Si  quis  obiiciat,  multos  quoque  ex  incredulis  saevos  parentes  esse  ac  belluinos,  facilis  solutio  est,  Paulum  de  parentibus  loqui  solis,  qui,  duce  natura  et  magistra,  sobolis  suae  curam  gerunt*  Nam  si  quis  ab  hac  integritate  degeneret,  pro  monstro  habendus  est.  Quaeritur  autem  cur  domesticos  filiis  ipsis  praeferat  apostolus.  Respondeo,  quum  suos,  et  maxime  familiares  nominat,  utroque  loco  de  filiis  et  nepotibus  ipsum  loqui.  Nam  utcunque  emancipati  sint  liberi,  aut  in  alienam  familiam  per  coniugium  transierint,  aut  quovis  modo  emigrarint  ex  aedibus  parentum:  nunquam  tamen  prorsus  extinguitur  ius  naturae,  quin  debeant  maiores  natu,  tanquam  sibi  a  Deo  commissos,  regere,  aut  saltem  consulere  quoad  possunt.  In  domesticis  autem  arctior  est  obligatio,  nam  eos  duplici  nomine  curare  debent,  eo  quod  ipsorum  sunt  sanguis,  et  simul  pars  familiae  cui  praesunt.  9.  Vidua  deligatur  non  minor  annis  sexaginta,  quae  fuerit  unius  viri  uxor,  10.  in  operibus  bonis  habens  testimonium,  si  liberos  educavit,  si  fuit  hospitalis,  si  sanctorum  pedes  lavit,  si  afflictis  subministravit,  si  in  omni  bono  opere  fuit  assidua,  ll.  Porro  iuniores  viduas  reiice,  quum  enim  lascivire  coeperint  adversus  Christum,  nubere  volunt,  12.  habentes  condemnationem,  quod  primam  fidem  reiecerint.  13.  Simul  autem  et  otiosae  discunt  circuire  domos:  nec  solum  otiosae,  verum  etiam  garrulae  et  curiosae,  loquentes  quae  non  oportet  9.  Vidua  deligatur.  Iterum  quales  viduae  recipiendae  sint  in  ecclesiae  curam,  ostendit:  et  quidem