51:309  309  SUR  L'EPITRE  AUX  EPHESIENS.  310  ceste  prison  en  laquelle  nous  sommes,  et  que  nous  soyons  pleinement  affranchis,  quand  nous  serons  recueillis  en  nostre  Seigneur  Iesus  Christ.  Or  nous-nous  prosternerons  devant  la  maieste  de  nostre  bon  Dieu  etc.  SIXIEME  SERMON.  Chap.  I,  v.  15.18.  Nous  avons  veu  par  ci  devant  comme  sainct  Paul  a  ramene  les  Ephesiens  a  la  cause  non  seulement  principale,  mais  aussi  unique  de  leur  salut.  Et  a  monstre  qu'il  faloit  bien  qu'ils  tinssent  le  tout  de  Dieu,  ne  meslant  point  quelque  folle  presomption,  comme  si  de  leur  coste  ils  eussent  aide  a  la  grace  qu'ils  avoyent  receue,  ou  par  leur  franc-arbitre,  ou  par  quelque  bonne  affection  qui  fust  en  eux.  S.  Paul  donc  a  declare  en  somme,  que  non  seulement  les  Ephesiens  ausquels  il  parloit,  mais  aussi  ceux  qui  auparavant  avoyent  este  de  l'Eglise  de  Dieu,  tous  sans  exception,  doyvent  confesser  que  tout  leur  procedoit  de  la  pure  bonte  et  gratuite  de  Dieu,  non  seulement  d'autant  que  tous  estoyent  rachetez  par  le  moyen  de  nostre  Seigneur  Iesus  Christ:  mais  aussi  d'autant  qu'il  les  avoit  appelez  a  la  foy  de  l'Evangile,  selon  qu'il  les  avoit  eleus  devant  la  creation  du  monde.  Or  maintenant  il  conferme  toute  ceste  doctrine  par  le  tesmoignage  qu'il  rend,  que  devant  Dieu,  quand  il  est  comme  separe  du  regard  des  hommes  et  de  la  veue  de  tous  tesmoins,  qu'alors  il  magnifie  la  bonte  d'iceluy.  Or  il  est  vray  que  la  doctrine  de  l'Evangile  quand  elle  se  presche,  et  qu'elle  se  publie  devant  tout  le  monde,  ne  doit  pas  pour  cela  estre  de  moindre  authorite:  mais  si  faut-il  que  celuy  qui  parle  ait  le  tout  imprime  en  son  coeur,  et  qu'il  dise  a  soy  mesme,  et  devant  Dieu,  et  devant  ses  Anges,  ce  qu'il  dit  devant  les  hommes:  car  autrement  ce  ne  seroit  qu'une  bastelerie,  mesmes  ce  seroit  profaner  la  parole  de  Dieu,  quand  un  homme  montera  en  chaire,  pour  parler  comme  un  Ange,  et  cependant  qu'il  n'ait  nulle  affection,  qu'il  ne  soit  point  persuade  de  ce  qu'il  dit:  il  vaudroit  mieux  qu'un  homme  fust  abysme  cent  fois,  que  de  porter  ce  tesmoignage  tant  excellent  du  salut  et  de  la  verite  de  Dieu,  et  cependant  qu'il  ne  soit  point  persuade  en  soy  de  ce  qu'il  annonce,  et  que  Dieu  et  ses  Anges  cognoissent  qu'il  a  le  tout  imprime  en  son  coeur.  Ainsi  non  sans  cause,  apres  que  8.  Paul  a  presche  la  bonte  gratuite  de  Dieu,  en  ce  qu'il  elit  ceux  que  bon  luy  semble,  et  les  ayant  eleus,  qu'il  les  appelle  a  la  cognoissance  de  son  Evangile:  les  ayant  appelez,