50:309  309  SUR  L'EPITRE  AUX  GALATES.  310  ainsi:  et  en  cela  voyons  nous  qu'il  n'y  a  nulle  cognoissance  de  Dieu,  que  mesmes  ils  sont  mis  en  sens  reprouve.  Notons  bien  donc  quand  sainct  Paul  dit  ici  qu'il  n'y  a  point  d'autre  Evangile,  que  c'est  a  fin  de  nous  retenir  en  ceste  constance  la,  qu'apres  avoir  cognu  que  c'est  de  nostre  Seigneur  Iesus  Christ,  que  nous  persistions  en  luy,  renoncans  a  toutes  choses  qui  sont  contraires  a  la  doctrine  de  l'Evangile.  Quand  nous  aurons  une  telle  discretion,  ce  sera  pour  batailler  contre  Satan,  et  contre  toutes  les  varietez  d'opinions  qui  sont  auiourd'huy  au  monde,  pour  n'estre  iamais  esbranlez,  quelque  trouble  qui  adviene:  brief,  pour  n'estre  destournez  de  la  certitude  de  nostre  foy:  mais  si  nous  vaguons  ainsi,  que  nous  soyons  comme  petits  enfans,  quand  on  leur  presentera  une  pomme  d'un  coste,  ils  courront  la,  et  si  on  leur  presente  ie  ne  scay  quoy  de  plaisant  d'autre  coste,  ils  iront  aussi  bien,  et  ayans  abandonne  le  premier,  ils  iront  au  second  se  renger  :  si,  di-ie,  il  y  a  une  telle  legerete  en  nous,  c'est  signe  qu'il  n'y  a  que  pure  infidelite.  Cognoissons  donc  qu'il  faut  qu'il  y  ait  en  la  foy  de  l'Evangile  cest  accord  mutuel,  qu'estans  la  adonnez  du  tout,  nous  n'en  soyons  iamais  distraits,  que  nous  scachions  ce  qui  y  est  pour  nous  y  arrester,  comme  desia  nous  avons  dit.  Non  pas  que  tous  puissent  estre  docteurs  en  mesure  egale:  il  est  bien  certain  que  la  pluspart  de  ceux  que  nostre  Seigneur  Iesus  Christ  a  en  son  troupeau  ne  eomprendront  pas  la  dixieme  partie  de  l'intelligence  de  l'Escriture  saincte:  mais  quoy  qu'il  en  soit,  si  faut-il  que  ces  articles  la  soyent  communs  entre  nous,  Qu'il  y  a  un  seul  Dieu  le  Pere,  duquel  nous  tenons  tout  et  que  par  sa  pure  misericorde  il  nous  a  adoptez:  qu'il  n'y  a  qu'un  Iesus  Christ  seul,  par  le  moyen  duquel  tous  biens  nous  sont  communiquez:  que  par  le  S.  Esprit  nous  sommes  regenerez.  Or  quant  a  nostre  Seigneur  Iesus  Christ,  il  nous  faut  bien  scavoir  qu'il  est  nostre  advocat,  et  que  sans  luy  nous  ne  pouvons  approcher  de  Dieu:  nous  ne  scaurions  pas  ouvrir  la  bouche  pour  dire,  Nostre  Pere,  sinon  estans  membres  de  nostre  Seigneur  Iesus  Christ,  et  qu'il  portast  la  parole  pour  nous  comme  intercesseur,  et  comme  nostre  patron,  lequel  nous  guide  comme  par  la  main  pour  nous  mener  a  Dieu  son  Pere.  Si  donc  nous  ne  cognoissons  ces  choses-la,  il  est  certain  que  nous  ne  pouvons  obtenir  salut.  Et  voila  pourquoy  sainct  Paul  accuse  les  Galatiens  de  ce  qu'ils  n'ont  point  cognu  qu'il  y  a  un  seul  Evangile,  et  qu'on  ne  le  scauroit  desguiser,  qu'on  ne  face  iniure  a  nostre  Seigneur  Iesus  Christ,  qui  doit  aussi  avoir  luy  seul  toute  audience.  Or  cependant  il  nous  admoneste  quand  il  viendra  quelques  brouillons  qui  nous  destourneront  de  la  pure  simplicite  que  nous  tenons  de  Dieu  et