49:309  309  CAPUT  L  310  praecipue  aestimandi  sunt  fideles.  Nota  etiam  quod  Christum  dicit  invocari  a  fidelibus,  quo  eius  divinitas  comprobatur,  quum  unum  ex  primis  divini  cultus  testimoniis  sit  invocatio.  Itaque  invocatio  hic  xaxa  aov��%So)(7]V  universam  fidei  in  Christum  professionem  significat:  sicut  multis  scripturae  locis  pro  toto  Dei  cultu  generaliter  capitur.  Quod  exponunt  quidam  de  sola  professione,  mihi  frigidum  videtur  et  ab  usu  scripturae  alienum  est.  Iam  vero  quod  istas  particulas  nostri  et  sui  in  genitivo  posui,  ut  ad  Christum  referantur,  quas  alii  ad  locum  referentes,  per  ablativum  reddunt:  in  eo  Chrysostomum  sum  sequutus.  Videbitur  forte  hoc  durum,  quia  particula  in  loco  media  inseratur:  sed  in  graeca  Pauli  oratione  nihil  asperitatis  habet  haec  constructio.  Cur  autem  vulgatae  interpretationi  istam  praeferam,  haec  ratio  est,  quod  si  de  loco  exponas,  ,erit  non  tantum  supervacua  adiectio,  sed  inepta.  Quem  enim  locum  suum  vocaret  Paulus?  Iudaeam  intelligunt:  sed#  qua  ratione?  Deinde  quem  aliorum  locum  diceret?  Reliquas,  inquiunt,  omnes  orbis  partes  :  sed  parum  hoc  quoque  convenit.  Hic  vero  sensus,  quem  posui,  optime  quadrat:  nam  quum  omnes  nominasset,  qui  ubique  nomen  Christi  Domini  nostri  invocant,  addidit  tam  ipsorum  quam  nostri:  ut  communem  scilicet  Dominum  promiscue  omnibus  faceret  Christum  qui  eum  invocant,  sive  Iudaei  sint,  sive  gentiles.  In  quovis  loco.  Hoc  praeter  morem  suum  addidit  Paulus:  nam  in  aliis  epistolis  eos  tantum  in  salutatione  exprimit,  quibus  eas  destinat.  Sed  improborum  calumnias  videtur  voluisse  praevenire,  ne  ipsum  confidenter  efferri  inter  Corinthios  dicerent,  et  autoritatem  sibi  arrogare,  quam  in  alias  ecclesias  sibi  vindicare  non  auderet.  Nam  hac  quoque  nota  fuisse  inique  gravatum,  mox  patebit,  quasi  nidulos  sibi  componens,  lucem  fugeret,  vel  se  clam  subduceret  a  reliquis  apostolis.  Videtur  ergo,  ut  hoc  mendacium  refellat,  se  data  opera  in  sublimi  theatro  locare  ex  quo  procul  audiatur.  3.  Gratia  vobis  et  pax.  Huius  precationis  expositionem  petant  lectores  ex  principio  commentarii  in  Epistolam  ad  Romanos.  Neque  enim  libenter  eos  repetitionibus  onero.  4.  Gratias  ago  Deo  meo  semper  de  vobis  propter  gratiam  Dei>  quae  data  vobis  est  in  Christo  Iesu:  5.  quia  in  omnibus  ditati  estis  in  ipso  j  in  omni  sermone  et  in  omni  cognitione:  6.  quemadmodum  testimonium  Christi  confirmatum  fuit  in  vobis,  7.  ut  nullo  in  dono  destituamini,  exspectantes  revelationem  Domini  nostri  Iesu  Christi:  8.  qui  etiam  confirmabit  vos  usque  in  finem  inculpatos,  in  diem  Domini  nostri  Iesu  Christi.  9.  Fidelis  Deus,  per  quem  vocati  estis  in  communionem  filii  ipsius  Iesu  Christi  Domini  nostri.