29:309  309  IN  I.  LIB.  SAMUEL.  CAP.  II.  310  perio  subsunt,  sed  longe  aliter  quam  fideles.  Neque  enim  parem  curam  de  impiis  habet,  quam  de  fidelibus,  qui  ad  eum  confugiunt  totosque  sese  ipsi  permittunt,  quos  paterno  favore  complectitur.  Et  in  hunc  sensum  propheta,  cap.  10,  23  ait:  Novi  Iehova,  non  esse  penes  hominem  viam  ipsius:  non  esse  penes  virum  ambulantem  vel  dirigere  gressum  suum.  Atqui  incredulos  videas  stulta  inire  consilia,  atque  illis  fretos  montes  ac  maria  traiicere,  et  nihil  non  sibi  polliceri.  Quinam  vero  qui  ne  labia  quidem  commovere  sine  Deo  possunt,  consilia  sua  in  ultimas  usque  terras  producant?  Nempe  non  attendunt  neque  appellunt  animum  ad  hanc  cogitationem,  a  Deo  pedes  hominum  oportere  regi.  Fideles  vero  probe  verborum  prophetae  memores  sese  Deo  totos  permittunt,  vitam  suam  miseram  et  erraticam  fore  sine  ipsius  speciali  cura  libenter  agnoscentes.  Hic  igitur  Anna  praedicat  fideles  ad  Deum  confugientes  spe  sua  nunquam  excisuros,  sed  ab  ipso  pedes  ipsorum  custodiendos.  Sic  Psal.  91,  l  l  dicitur  Deus  angelis  de  suis  fidelibus  mandasse  ut  custodiant  eos  in  omnibus  viis  suis,  ne  ad  lapidem  ipsorum  pedes  offendant.  Digna  sane  doctrina  quam  nocte  dieque  meditemur,  alioquin  aut  prorsus  hebetes  atque  plumbei  futuri  aut  perpetuis  animi  fluctuationes  agitati,  nisi  certo  persuasum  habeamus  nos  a  Deo  in  suam  tutelam  esse  receptos.  Quid  enim  alioquin,  obsecro,  miseris  nobis  fieret?  quae  tandem  spes  futurae  salutis  ?  Notae  sunt  enim  diaboli  capitalissimi  hostis  exitium  nostrum  continuo  molientis  insidiae.  Denique  nunquam  nasci  longe  foret  utilius,  quam  nasci  hac  conditione,  Deique  erga  suos  praecipua  dona  ignorare,  quae  Propheta  Ps.  121,  3.  paucis  istis  verbis  complectitur,  quum  ait:  Non  dabit  ad  lapsum  pedem  tuum:  non  dormitabit  custos  tuus:  Iehova  est  custos  tuus:  Iehova  est  umbra  tua:  est  ad  manum  dextram  tuam.  Quare  agite,  mecum  hanc,  fratres,  doctrinam  expendite,  ut  quum  necessitas  postularit  ad  usum  eam  revocemus,  et  certo  persuasi  simus  Deum  incertis  et  deploratis  rebus  praesentissimum  nobis  fore,  votis  ardentibus  invocatum,  ac  quandoquidem  tanquam  caeci  volutamur  in  tenebris,  viae  ducem  adfuturum,  ac  denique  nobis  nunquam  defuturum.  Haec  si  mentibus  nostris  altius  haeserit  cogitatio,  sane  futurum  ut  nullis  tempestatibus,  nullis  procellis  perturbemur,  sed  adversus  eas  omnes  imperterriti  stemus  ac  licet  minis  terreamur,  in  eius  potestate  tamen,  et  paterna  cura  placide  conquiescamus:  certi  nos  nunquam  penitus  obruendos,  ac  licet  deiectos,  tamen  sublevandos  et  erigendos.  Imo  si  quis  casus  inciderit,  non  modo  non  lethalem,  sed,  faciente  Deo,  salutarem  fore  sciamus.  Nam  quo  magis  periclitati  fuerimus,  eo  insignius  et  experientia  ipsa  certius  divinae  providentiae  et  custodiae  testimonium  liberati  habituri  su-