25:309  309  REDITUS  AD  HISTORIAM.  310  NUMER.  CAP.  XXVII.  1.  Accesserunt  autem  filiae  Salphaad  filii  Hepher,  filii  Galaad,  filii  Machir,  filii  Manasse  de  familiis  Manasse,  filii  Ioseph:  haec  vero  sunt  nomina  filiarum  eius,  Malhah,  Noah,  Hoglah,  et  Milchah,  et  Thirsah.  2.  Hae  steterunt  coram  Mose  et  coram  Eleazar  sacerdote,  et  coram  principibus  atque  universa  congregatione  ad  ostium  tabernaculi  conventionis,  dicendo:  3.  Tater  noster  mortuus  est  in  deserto,  qui  tamen  non  fuit  in  congregatione  quae  congregata  fuit  adversus  Iehovam,  in  congregatione  Core  :  quia  in  peccato  mortuus  est,  et  filii  non  fuerunt  ei.  4.  Quare  tolletur  nomen  pafrris  nostri  de  medio  familiae  suae,  propterea  quod  non  sit  ei  filius?  da  nobis  haereditatem  inter  fratres  patris  nostri,  5.  Retulit  autem  Moses  causam  earum  coram  Iehova.  6.  Et  respondit  Iehova  ad  Mosen,  dicendo:  7.  Rectum  filiae  Salphaad  loquuntur:  dando  dabis  eis  possessionem  haereditatis  in  medio  fratrum  patris  sui,  et  transferes  haereditatem  patris  earum  ad  eas.  8.  Ad  filios  autem  Israel  loqueris,  dicendo:  Quum  quis  mortuus  fuerit,  et  filius  non  fuerit  illi,  tum  transferetis  haereditatem  eius  ad  filiam  ipsius.  9.  Quod  si  non  fuerit  ei  filia,  tunc  dabitis  haereditatem  eius  fratribus  ipsius.  10.  Si  vero  non  fuerint  ei  fratres,  tunc  dabitis  haereditatem  eius  fratribus  patris  ipsius,  ll.  Quod  si  non  fuerint  fratres  patri  ipsius,  tunc  dabitis  haereditatem  eius  propinquiori  illi  de  familia  ipsius^  haereditatemque  accipiet  Ulam:  erit  autem  istud  filiis  Israel  in  statutum  iudicii  quemadmodum  praecepit  Iehova  Mosi.  1.  Accesserunt  autem.  Inseritur  historia  de  filiabus  Salphaad  ex  progenie  Machir,  quae  postularunt  admitti  in  partem  haereditatis  :  quia  nullus  erat  masculus  successor  patri  earum.  Poterat  autem  ambigua  videri  definitio  huius  causae,  nisi  Dei  responso  sublata  dubitatio  esset.  Nam  quum  in  lege  nullum  detur  feminis  nomen,  non  debuit  in  terrae  portione  earum  haberi  ratio.  Et  certe  hoc  ius  commune  praescripsit  Deus:  sed  nunc  specialis  ponitur  exceptio,  quoties  domus  una  carebit  haeredibus  masculis,  ne  eius  memoria  intercidat,  ut  feminae  succedant.  Scio  id  posse  agitari,  quia  rationes  occurrunt  in  utramque  partem:  verum  nobis  sufficiat  quod  Deus  interposuit  decretum.  Etsi  autem  de  privata  sua  utilitate  coram  Mose  litigant,  disceptatio  tamen  ex  bono  principio  manavit:  quia  de  successione  non  adeo  sollicitae  fuissent,  nisi  perinde  apud  eas  valuisset  Dei  promissio  ac  si  iam  in  possessionem  mitti  postularent.  Nondum  ingressi  erant  terram,  nec  hostes  profligaverant:  fretae  tamen  testimonio  Mosis,  ius  suum  non  secus  persequuntur  ac  si  eo  ipso  die  tranquilla  esset  perceptio.  Idque  ad  totius  populi  confirmationem  valuit,  dum  Moses  consuluit  Deum  tanquam  de  re  seria,  et  ex  oraculo