1:309  CAP.  II.  DE  COGNITIONE  HOMINIS.  A  19;  B  17;  C  17.]  confessionem  a  prima  nativitate  repetit.  Quum  id  Davidi  peculiare  non  fuisse  constet,  sequitur  communem  humani  generis  sortem  sub  eius  exemplo  notari.  Omnes  ergo  qui  ab  impuro  semine  descendimus  peccati  contagione  nascimur  infecti;  imo,  antequam  lucem  hanc  vitae  aspicimus,  sumus  in  Dei  conspectu  foedati  et  inquinati.  Quis  enim  daret  mundum  de  immundo?  Ne  unus  quidem,  ut  est  in  libro  Iob  (14,  4).  9.  Audimus  1)  ita  in  filios  transmitti  parentum  immunditiem,  ut  omnes  citra  ullam  exceptionem  sua  origine  sint  inquinati.  Huius  autem  pollutionis  non  reperietur  exordium,  nisi  ad  primum  omnium  parentem  tanquam  ad  fontem  ascendamus.  Ita  certe  habendum  est:  fuisse  Adamum  humanae  naturae  non  progenitorem  modo,  sed  quasi  radicem,  atque  ideo  in  illius  corruptione  merito  vitiatum  fuisse  hominum  genus.  Quod  ex  illius  et  Christi  comparatione  planius  2)  facit  apostolus.  Quemadmodum  (inquit  Rom.  5,  12)  per  unum  hominem  peccatum  intravit  in  universum  mundum,  et  per  peccatum  mors,  quae  in  omnes  homines  pervagata,  quando  omnes  peccaverunt,  ita  per  gratiam  Christi  iustitia  et  vita  nobis  restituta  est.  Quid  hic  garriant  3)  Pelagiani  peccatum  Adae  imitatione  propagatum?  Ergone  ex  Christi  iustitia  nihil  aliud  proficimus,  nisi  quod  exemplum  nobis  est  ad  imitationem  propositum?  Quis  tantum  sacrilegium  ferat?  Quod  si  extra  controversiam  est  Christi  iustitiam  communicatione  nostram  esse  et  ex  ea  vitam,  simul  conficitur,  utramque  ita  in  Adam  fuisse  perditam,  ut  in  Christo  recuperetur;  peccatum  vero  et  mortem  ita  per  Adam  obrepsisse,  ut  per  Christum  aboleantur.  Non  sunt  obscura  verba:  iustificari  multos  per  Christi  obedientiam,  quemadmodum  per  Adae  inobedientiam  peccatores  fuerant  constituiti  (Rom.  5,  19).  Ideoque  inter  eos  duos  hanc  esse  relationem,  quod  hic  nos  suo  exitio  involutos  secum  perdidit;  ille  nos  sua  gratia  in  salutem  restituit.  In  tam  perspicua  luce  veritatis  nihil  longiori  vel  magis  laboriosa  probatione  opus  esse  arbitror.  Sic  et  in  priore  ad  Corinthios  (15,  22),  quum  in  resurrectionis  fiducia  vult  pios  confirmare,  ostendit  recuperari  in  Christo  vitam  quae  in  Adam  perdita  fuerat.  Qui  nos  omnes  in  Adam  mortuos  esse  pronuntiat,  iam  simul  aperte  quoque  testatur  peccati  labe  esse  implicitos.  Neque  enim  ad  eos  perveniret  damnatio  qui  nulla  iniquitatis  culpa  attingerentur.  Sed  clarius  intelligi  quid  velit  quam  ex  alterius  membri  relatione  non  potest,  ubi  spem  vitae  restitutam  in  Christo  docet  Satis  autem  scitur,  illud  non  aliter  fieri,  quam  ubi  mirifica  illa  communicatione  iustitiae  suae  vim  in  nos  Christus  transfundit;  quemadmodum  alibi  (Rom.  8,  10)  scribitur,  spiritum  nobis  vitam  esse  1)  Audivimus  1545.  1550.  1554.  2)  plane  1545.  1550.  1554.  planum  1553.  3)  garrient  1553.