9:308  Quidquid  palam  asserit  Deus,  tu  mihi  imputas:  tibi  pro  me  respondeat  idem  Augustinus  :  1)  Scriptura,  si  diligenter  inspicitur,  ostendit  non  solum  bonas  hominum  voluntates,  quas  ipse  facit  ex  malis,  [pag.  92]  et  a  se  factas  in  actus  bonos  et  vitam  aeternam  dirigit:  verum  illas  quae  retinent  saeculi  naturam,  ita  esse  in  Dei  potestate,  ut  eas  quo  voluerit,  quando  voluerit  faciat  inclinare,  vel  ad  praestanda  beneficia,  vel  ad  poenas  infligendas,  occultissimo  quodam  iudicio,  sed  iustissimo.  X.  In  decimo  articulo  vide  contra  quem  virulenta  tela  iaculeris.  Neque  enim  meum  est  quod  oppugnas,  sed  a  Dei  spiritu  profectum.  Sic  ad  verbum  loquitur  scriptura:  Quem  mittam?  et  quis  ibit  nobis?  et  continuo  post  Deus  Satanam  compellans,  iubet  ire,  ut  sit  spiritus  mendax  in  ore  omnium  prophetarum  ad  fallendum  Achab  (1  Reg.  22,  21  ss.).  Nunc  latra  quantum  voles:  non  magis  tuis  maledictis  obrues  Dei  gloriam,  quam  solis  fulgorem  spuendo  obscurabis.  Hic  etiam  Augustini  verbis  quam  meis  loqui  praestat:  Quum  [pag.  93]  testatur  Deus  a  se  mitti  pseudoprophetas,  manumque  suam  esse  super  eos,  ut  decipiant,  non  esse  hoc  patientiae  tantum,  sed  potentiae.  Quod  deinde  garris,  Satanam  non  obedienter  mendacem  esse  ex  Dei  imperio,  nihil  mirum  si  te  multis  nodis  implices,  quando  non  agnoscis  Deum  inexplicabili  modo  sic  opera  Satanae  uti  ad  suum  arbitrium,  ut  imperii  sui  iustitiam  et  aequitatem  illustret,  culpa  vero  non  liberet  ministrum,  quem  iudicia  sua  invitum  exsequi  cogit.  Ut  centies  crepet  tua  amarulentia,  haec  certe  non  Calvini  vox  est,  sed  Dei:  Praecepi  sanctificatis  meis  (Ies.  13,  3).  Nunc  si  Deum  plus  sibi  putas  sumere  quam  fas  sit,  modum  inveniet  ipse,  quo  a  tua  accusatione  se  absolvat.  XI.  Pergis  adhuc  monstra  tibi  fingere,  quibus  devictis  triumphum  de  innoxio  Dei  servo  agas.  Ubi  unquam  ita  loquutus  [pag.  94]  sim  non  reperies:  ideoque  me  tacente  iacet  tua  futilitas  impudentiae  coniuncta.  Quod  caedibus,  adulteriis,  rapinis,  fraudibus  se  contaminant  impii,  doceo  esse  ex  propria  eorum  malitia:  Deum  tamen  qui  lucem  elicit  ex  tenebris,  arcano  suo  et  incomprehensibili  iudicio  ita  intus  ipsos  regere,  ut  per  eorum  malitiam  iusta  sua  iudicia  exsequatur.  Hoc  si  oppugnas,  congredere  cum  ipso  Deo,  qui  facile  vesanos  tuos  impetus  excipiet.  Si  tibi  gutta  una  esset  modestiae  ac  docilitatis,  haec  te  distinctio  quae  subinde  occurrit  in  scriptis  meis,  haud  dubie  placaret:  Si  se  ipsos  in-  1)  De  gratia  et  libero  arbitrio  ad  Valentinum.