55:308  CAPUT  II.  1.  Filioli  mei,  haec  scribo  vobis  ut  non  peccetis:  quod  si  quis  peccaverit,  advocatum  habemus  apud  patrem,  Iesum  Christum^  iustum:  2.  Et  ipse  est  propitiatio  pro  peccatis  nostris,  non  pro  nostris  autem  solum,  sed  etiam  pro  totius  mundi.  3.  Filioli  mei.  Est  haec  non  modo,  avaxecpa-  Xaicuatc  superioris  doctrinae,  sed  totius  fere  evangelii  summa,  ut  abstineamus  a  peccatis:  et  tamen  quia  semper  obnoxii  sumus  Dei  iudicio,  certi  simus  Christum  cum  sacrificio  mortis  suae  intercedere,  ut  patrem  nobis  propitiet.  Interea  occupatione  etiam  utitur,  ne  quis  putet  eum  peccandi  licentiam  dare,  quum  de  misericordia  Dei  concionatur,  et  eam  docet  nobis  omnibus  esse  expositam.  Duas  ergo  evangelii  partes  simul  coniungit,  quas  separando,  praeposteri  homines  illud  lacerant  ac  mutilant.  Praeterea  semper  doctrina  gratiae,  obnoxia  fuit  improborum  calumniis��  Quum  proponitur  in  Christo  peccatorum  expiatio,  peccandi  licentiam  concedi  iactant.  His  malis  ut  occurrat  apostolus,  primo  testatur  hunc  esse  doctrinae  suae  finem,  ut  homines  peccare  desinant.  Nam  quum  dicit,  ut  non  peccetis,  hoc  tantum  vult  ut  pro  humanae  infirmitatis  modo  abstineant  a  peccatis.  Atque  huc  spectat  quod  iam  tractavi  de  societate  cum  Deo,  ut  conformes  illi  simus.  Interea  tamen  de  gratuita  peccatorum  remissione  non  tacet:  quia  etiamsi,  coelum  ruere,  et  omnia  misceri  debeant,  haec  pars  doctrinae  nunquam  omittenda:  quin  potius  clare  et  diserte  praedicandum  est  Christi  officium.  Sic  etiam  hodie  nos  agere  decet.  Quia  proclivis  est  caro  ad  lasciviam,  sedulo  monendi  sunt  homines,  iustitiam  et  salutem  morte  Christi  ideo  partam  esse,  ut  simus  sacrum  Dei  peculium.  Utcunque  tamen  multos  Dei  misericordia  proterve  abuti  contingat,  multi  etiam  canes  calumniose  nos  traducant,  quasi  vitiis  fraena  laxemus:  fortiter  in  asserenda  Christi  gratia  pergendum  est,  in  qua  maxime  Dei  gloria  refulget,  totaque  hominum  salus  consistit.  Spernendi  sunt  inquam  isti  impiorum  latratus,  quibus  impetitos  videmus  fuisse  apostolos.  Hac  de  causa  secundum  membrum  mox  subiicit,  advocatum  nobis  esse,  ubi  peccavimus.  Quibus  verbis  confirmat  quod  iam  prius  habuimus,  quia  longe  absumus  a  perfecta  iustitia,  imo  quotidie  reatum  nobis  accersimus:  esse  simul  in  promptu  remedium  Deo  placando,  si  ad  Christum  confugimus.  Atque  hoc  solum  est,  in  quo  acquiescere  possunt  conscientiae,  in  quo  continetur  hominum  iustitia,  in  quo  fundata  est  spes  salutis.  Conditionalis  particuia  si  quis,  debet  in  causalem  resolvi  :  nam  fieri  non  potest  quin  peccemus.  Denique  significat  Iohannes,  non  modo  nos  revocari  a  peccatis  per  evangelium,  quia  illic  nos  ad  se  Deus  invitat,  et  spiritum  regenerationis