51:308  parle  de  la  redemption.  Il  est  vray  que  nous  sommes  rachetez  par  nostre  Seigneur  Iesus  Christ:  et  il  nous  a  este  donne  pour  Redemption,  comme  il  est  dit  eo  l'autre  passage:  mais  cependant  l'effect  et  la  iouissance  n'en  est  pas  encores.  Il  y  a  donc  double  redemption:  il  y  a  celle  qui  a  este  accomplie  en  la  personne  de  nostre  Seigneur  Iesus  Christ:  et  l'autre  est  celle  que  nous  attendons,  et  qui  se  declarera  en  nous  a  sa  venue.  Comme  aussi  S.  Paul  en  parle  au  8.  chap.  des  Rom.  quand  il  dit  que  si  nous  gemissons  et  que  nous  soyons  detenus  en  angoisse,  que  nous  ne  devons  pas  estre  esbahis  pour  cela,  ni  le  trouver  estrange:  car  toutes  creatures  (dit-il)  nous  y  tiennent  compagnie,  et  mesmes  elles  sont  comme  une  femme  qui  travaille  pour  enfanter.  Car  nous  voyons  tout  le  monde  estre  subiet  a  corruption  par  le  peche  d'Adam.  Puis  qu'ainsi  est  donc,  qu'en  nos  gemissemens  nous  ne  defaillions  point,  mais  que  nous  moderions  tellement  nos  passions,  qu'il  n/>us  suffise  qu'en  la  personne  de  nostre  Seigneur  Iesus  Christ  nous  avons  nostre  redemption  acquise,  et  que  la  dessus  nous  esperions  qu'il  /atifiera  en  nous  et  en  nos  personnes  ce  qu'il  a  apporte.  C'est  donc  ce  que  sainct  Paul  a  voulu  dire,  que  l'Esprit  de  Dieu  nous  est  auiourd'huy  une  arre,  attendans  que  nous  soyons  retirez  de  ceste  vie  caduque,  et  que  nous  soyons  delivrez  de  toutes  miseres,  et  mesmes  de  la  servitude  de  peche,  qui  est  le  fardeau  le  plus  pesant  que  nous  puissions  avoir.  Attendans  donc  que  nous  soyons  delivrez  de  tout  cela,  il  nous  faut  reposer  en  ce  que  l'Esprit  de  Dieu  habite  en  nous.  Et  quant  a  ceste  redemption  d'acquisition,  on  la  peut  bien  prendre  pour  une  redemption  acquise:  car  c'est  une  facon  de  parler  assez  commune:  comme  quand  il  est  dit  l'Esprit  de  promesse,  c'est  a  dire,  qui  ratifie  toutes  les  promesses:  l'Esprit  de  crainte  de  Dieu,  d'autant  que  c'est  luy  qui  fait  que  nous  soyons  obeissans  a  sa  iustice.  Ainsi  quand  il  parle  de  redemption  d'acquisitioo,  on  peut  bien  dire  que  c'est  une  redemption  qui  nous  a  este  acquise,  pour  monstrer  que  si  nous  ne  le  sentons  en  nous  par  effect,  moyennant  que  nous  ne  soyons  point  incertains  de  ce  que  Iesus  Christ  a  fait  pour  nous,  qu'il  ne  faut  pas  que  nous  craignions  qu'il  ait  souffert  en  vain.  Or  est-il  ainsi  que  ce  qu'il  a  souffert  seroit  inutile,  sinon  que  cela  parvinst  iusques  a  nous,  que  le  profit  nous  en  revinst,  et  que  nous  en  eussions  la  iouissance.  Cela  donc  est  une  chose  acquise  en  la  personne  de  nostre  Seigneur  Iesus  Christ.  Et  cependant  quant  a  nous,  il  nous  tient  en  bride,  a  fin  que  par  nostre  ingratitude  nous  ne  reiettions  point  ce  bien  que  Dieu  nous  presente,  c'est  a  scavoir  de  nous  esiouir  en  nos  afflictions,  scachans  que  nostre  salut  est  asseure,  et  de  ne  nous  point  despiter  contre  Dieu  et  le  blasphemer:  mais  que  nous  cheminions  paisiblement  iusques  a  ce  que  nous  soyons  delivrez  de