5:308  tus  transversos  1)  egisset,  primo  statim  limine  vos  Dominus  admonebat,  ne  ad  hoc  letale  praecipitium  gradum  iaceretis.  Quibus  enim  primordiis  estis  auspicati?  An  non  in  papae  nomen  ac  verba  iurat  totum  illud  cornutum  episcoporum,  abbatum,  ac  priorum  pecus,  dum  romanae  sedi  obsequentes,  studiososque  dignitatis  illius  vindices  sacramento  adacti,  se  pollicentur?  Minorum  autem  classium  sacrificuli,  an  non  etiam  ipsi,  sua  quadam  iuramenti  forma,  sanctae  matris  ecclesiae  obsequio  devoventur?  Huiusmodi  auspicia  quem  faustiorem  eventum  portendere2)  valent?  Imo*  quam  nullis  ambagibus  infelicem  exitum  minantur?  Quare,  vestram  hebetudinem  minus  iam  mirari  incipio:  qua  haud  dubie  vindicari  tantus  ille  Dei  contemptus  merebatur.  Qua  tamen  excusatione  culpae  partem  nonnulli  deprecentur,  praetereundum  non  est.  Nam  etsi  ingenue  fatentur,  reprehensione  se  non  penitus  carere,  minori  tamen  publico  malo  ecclesiis  se  praeesse  dicti-,  tant,  quam  si  deteriores  illis  praesiderent  (quales  sunt  iurati  Christi  hostes)  qui  evangelii  ruinam  ex  professo  machinantur.3)  At  si  haec  ratio  recipitur,  cur  non  speluncae  occupamus?  itinera  obsidemus?  in  insidiis  excubamus,  eo  animo,  ne  viatores,  ut  efferati  isti  solent  latrones,  violemus,  sed  spoliatos  dimittamus?  Sic  enim  mitioribus  latrociniis  mundus  infestaretur.  Enimvero  boni  viri  est,  non  improborum  hominum  subire  vices,  quo  mala  quadamtenus  moderetur,  sed  cum  improbis,  ac  cum  ipsa  etiam  improbitate  acerrimum  bellum  gerere  :  quo  suo  conatu  si  parum  proficit,  suum  tamen  officium  sic  praestiterit.  Quod  illi  satius  esse  debet,  quam  delicto  uno  mille  flagitiis  occurrere.  Fures  itaque  excipiendis  pi  aedis,  latrones  hominibus  iugulandis  sinamus  esse  intentos:  nos  vero,  si  Christiani  [pag.  76]  sumus,  in  omnem  puritatem,  innocentiam,  sanctitatem  vocatos  meminerimus.  Si  tantum  exhortatione  mea  profectum  est,  ut  te  ad  dandas  Domino  manus,  affectumque  tuum  illius  imperio  penitus  subiiciendum  compararis,  non  dubito,  quin  iam  in  me  resjjicias,  mecumque  deliberes,  qua  ratione  in  meliorem  viam  recipere  te  queas.  Ego  vero,  quanquam  opportunitate  praesenti  ad  aliquid  pro  Christi  gloria  fortiter  animoseque  gerendum  uti  te  malim,  nisi  quid  tamen  melius  potes,  exeundum  tibi  primo  quoque  die  censeo.  Te  enim  quoquo  modo  ex  hac  palude  evolvi  praestat,  quam  diutius  illic  haerendo,  et  in  illius  gurgite  profundius  in  dies  defigi,  et  coeno  magis  magisque  conspurcari.  Satius  illud  quidem  et  longe  optabilius,  ne  tantam  illustrandae  Domini  gloriae  occasionem  1)  Edd.  1576.1611:  transverso,  male.  Amstelodamensts  genuinam  lectionem  restitutt.  2)  pertendere,  1576.1611.  3)  Princeps  habet-  machinentur.