49:308  Sanctificatis  in  Christo  Iesu,  vocatis  sanctis.  Dei  beneficia,  quibus  ornati  fuerant,  quasi  per  speciem  exprobrationis  commemorat,  nisi  saltem  vicissim  gratos  se  praebeant.  Quid  enim  turpius  quam  apostolum  respuere,  cuius  opera  in  peculium  Dei  segregati  fuerant?  His  interea  duobus  epithetis  declarat  quinam  habendi  sint  inter  vera  ecclesiae  membra,  et  qui  ad  eius  communionem  proprie  pertineant.  Nisi  enim  vitae  sanctimonia  Christianum  te  ostendas,  delitescere  quidem  in  ecclesia  poteris,  sed  ex  ea  tamen  non  eris.  Sanctificari  ergo  in  Christo  oportet  omnes,  qui  in  populo  Dei  censeri  volunt.  Porro  sanctificationis  verbum  segregationem  significat.  Ea  fit  in  nobis  quum  per  spiritum  in  vitae  novitatem  regeneramur,  ut  serviamus  Deo,  et  non  mundo.  Nam  quum  natura  profani  simus,  spiritus  nos  Deo  consecrat:  verum  quia  id  fit  dum  inserimur  in  Christi  corpus,  extra  quod  nonnisi  pollutio  est,  nec  aliunde  etiam  nobis  confertur  spiritus  quam  a  Christo:  merito  nos  dicit  in  Christo  sanctificari,  quando  per  ipsum  Deo  adhaeremus,  et  in  ipso  fimus  novae  creaturae.  Quod  continuo  sequitur  vocatis  sanctis:  ita  resolvo:  Sicut  vocati  estis  ad  sanctitatem.  Potest  autem  bifariam  accipi  :  vel  ut  Paulus  causam  sanctificationis  dicat  esse  vocationem  Dei,  propterea  quod  Deus  ipsos  elegit:  quasi  dixisset,  ex  eius  gratia  hoc  pendere,  non  ex  virtute  hominum:  vel  ut  significet,  professioni  nostrae  congruere  ut  sancti  simus,  quia  hic  sit  finis  doctrinae  evangelii.  Quamquam  autem  prior  sensus  l)  contextui  videtur  melius  convenire:  parum  tamen  refert  utrovis  modo  accipias,  quia  duae  istae  sententiae  inter  se  cohaerent:  sanctitatem  nostram  ex  fonte  divinae  electionis  fluere,  et  eandem  esse  vocationis  nostrae  scopum.  Tenendum  igitur,  nos  minime  propria  industria,  sed  Dei  vocatione  sanctos  esse:  quia  ipse  solus,  qui  natura  immundi  ^erant,  sanctificat.  Ac  mihi  certe  probabile  est,  ubi  apertum  sanctitatis  fontem  quasi  digito  Paulus  ostendit,  ad  gradum  altiorem  conscendere,  nempe  ad  Dei  beneplacitum,  ex  quo  etiam  Christus  nobis  prodiit.  Caeterum  sicuti  2)  per  evangelium  vocamur  ad  vitae  innocentiam:  ita  re  ipsa  adimpleri  nobis  id  oportet,  ut  vocatio  nostra  sit  efficax.  Obiiciet  autem  quispiam,  non  fuisse  tales  ex  Corinthiis  multos.  Respondeo,  infirmos  non  excludi  ab  hoc  numero:  quia  opus  suum  Deus  inchoat  tantum  hic  in  nobis,  paulatim  vero  per  gradus  et  incrementa  perficit.  Respondeo  deinde,  Paulum  consulto  Dei  gratiam  in  illis  magis  spectare  quam  propria  eorum  vitia:  ut  suae  eos  socordiae  pudeat,  nisi  respondeant  suis  partibus.  Una  cum  omnibus.  Et  hoc  commune  est  piorum  omnium  epithetum.  Nam  quum  praecipuum  sit  fidei  exercitium,  invocare  Dei  nomen,  hoc  etiam  officio  *)  1551:  nihil  habet  falsi,  posterior  tamen  caett.  2)  add.  ergo