7:307  307  ADVERSUS  P.  CAROLI  308  qui  satis  scitur,  per  quos  ministerium  illud  impetraverit,  qui  ambiendo  nervos  omnes  intenderant,  ut  in  eum  locum  eveherent.  Ac  ne  videatur  nimium  fuisse  superbus,  dicit  se  Bernatibus  annuisse,  sed  dedisse  illis  certam  conditionem,  ne  sibi  quidquam  a  Farello  praescriberetur.  At  vero  illustris  senatus  Bernensis  primum,  quam  ambitiose  et  suppliciter  rogatus  fuerit  ut  Carolum  in  eum  locum  promoveret,  optime  novit.  Memoria  enim  tenet  quo  audaciae,  hoc  impetrato,  prosilierit  haec  bestia:  nempe  ut  sibi  ius  inspectionis  in  ministros  agri  vicini  daretur.  Verum  repulsus  cum  severa  obiurgatione  Lausannam  [pag.  30]  missus  est  ac  Vireto  commendatus  in  hunc  modum:  Collegam  tibi  et  adiutorem  in  verbi  ministerio  doctorem  Carolum  destinavimus.  Eum  tu,  quia  novitius  est,  consilio  reges  ac  monstrabis  ut  se  gerere  debeat,  pro  tua  prudentia  et  usu  quem  in  illa  ecclesia  habes.  En  quo  recidant  magnae  illae  ampultae,  quas  inflat  insulsus  hic  Thraso,  dum  aliquid  opinionis  conciliare  sibi  studet.  Sed  quo  autore,  dicet  quispiam,  id  confirmabis?  Quod  recitavi  sumptum  est  ex  publicis  senatus  Bernensis  literis.  Haec  autoritas  si  non  sufficiat  Carolo,  in  toto  orbe  satis  habebit  ponderis.  Sequitur  iam  quibus  curis  aestuarit  sanctus  vir,  ex  quo  Lausannensi  ecclesiae  praefuit.  Dicit  se  anxium  dubiumque  animi  haesitasse,  quod  ecclesiasticae  unitatis  cupidus  videret  multa  quae  sibi  displicerent;  atque  hic  suspiria  et  gemitus  commemorat  quibus  Dominum  interpellavit.  Tune,  sceleste  apostata,  unam  unquam  precationem  ex  animo  concepisti?  Sed  hoc  omitto.  Dicit  se  cum  fratribus  aliquot  subinde  contulisse.  Ipse  vero  sibi  tales  fratres  habeat,  si  qui  tamen  sunt,  qui  unam  hic  nobiscum  doctrinam  profiteantur,  animo  interim  ab  ea  dissidentes.  Nam  bonis  et  malis  peraeque  certum  est,  eos  Satanae  ministros  esse  et  prorsus  Epicureos,  carentes  omni  fide  ac  conscientia,  qui  doctrinam  nostram  taciti  apud  se  damnent  et  in  ea  ecclesias  retineant,  qui  nos  iudicent  [pag.  31]  ab  ecclesia  alienos  et  communi  ministerio  nobiscum  fungantur.  Sed  audiamus  quam  gemendi  materiam  habuerit.  Yidebam,  inquit,  sectas  innumerabiles  suboriri.  Dicas  eum  voluisse  nobis  parcere,  quod  ex  infinito  numero  unam  tantum  patefaciat,  reliquis  suppressis.  Quod  enim  unquam  verbum  de  sectis  innumeris  fecit?  Videbam,  inquit,  sacra  subverti  universa,  omnes  veterum  sanctiones  antiquari,  ecclesiarum  opes  sub  evangelicae  reformationis  praetextu  ad  privata  rapi  commoda,  pauperes  negligi,  omnem  religionis  cultum  impiis  haberi  ludibrio,  nullam  pietatem,  nullum  ordinem,  nullam  servari  ecclesiasticam  politiam.  Tu,  cui  pro  suggestu  libera  erat  reprehendendi  facultas,  si  quod  vitium  cernebas  in  tua  ecclesia,  defunctum  te  putabas  coram  Deo,  si  tacitus  gemeres?  interea  esses  canis  mutus?  Quod