50:307  307  SERMONS  308  faseheront  au  bout  de  trois  ans,  s'ils  n'ont  quelque  nouveaute.  Car  ils  ont  les  aureilles  chatouilleuses  :  et  nous  voyons  beaucoup  de  fantastiques  qui  deviennent  apostats,  pour  ce  que  la  verite  de  l'Evangile  ne  les  contente  point,  ils  veulent  tousiours  qu'on  remue-mesnage,  et  qu'on  leur  apporte  ie  ne  scay  quoy  qui  les  repaisse  en  leur  folles  speculations.  Nous  en  verrons  d'autres  qui  se  faschent  voyans  que  l'Evangile  ne  leur  apporte  nul  profit  selon  le  monde:  et  mesmes  il  y  en  a  qui  se  destournent,  voyans  que  cela  leur  est  occasion  de  estre  persecutez,  et  d'acquerir  beaucoup  d'inimitiez:  ou  bien  ils  se  morfondent  (comme  ils  cuident)  cependant  que  les  autres  font  leur  profit.  Voila  comme  nostre  Seigneur  Iesus  Christ  est  abandonne  de  beaucoup,  voire  non  pas  de  pere  en  fils,  mais  ceux  qui  auront  monstre  beau  semblant  seront  changez,  et  se  revoltent  au  bout  de  trois  ans,  ou  au  bout  de  dix.  Tant  plus  donc  devons  nous  bien  observer  ceste  doctrine,  d'autant  qu'elle  s'adresse  a  nous:  et  que  nous  pensions  aussi  a  ce  qui  a  este  reproche  au  peuple  des  Iuifs  par  Ieremie,  Allez  (dit-il)  aux  pays  lointains,  courez  outremer,  regardez  que  font  les  autres  peuples:  chacun  se  tiendra  a  ses  idoles,  et  toutesfois  il  n'y  a  la  nulle  divinite:  c'est  Satan  qui  les  trompe  sous  ombre  de  devotion,  et  ils  sont  la  tellement  arrestez  qu'on  ne  les  peut  destourner  en  facon  que  ce  soit:  et  pour  le  moins  que  vous  ayez  autant  de  constance:  puis  que  Dieu  s'est  manifeste  a  vous,  que  vous  cognoissiez  en  pleine  certitude  sa  volonte.  Advisez  que  le  semblable  ne  s'adresse  auiourd'huy  a  nous  :  car  nous  voyons  l'obstination  des  Turcs.  Apres  les  poures  Iuifs  sont  comme  des  chiens  profanes:  si  est-ce  toutesfois  qu'encores  sont-ils  opiniastres  a  maintenir  l'authorite  de  leur  loy.  Nous  voyons  les  Papistes  qui  n'ont  que  des  sottises  si  brutales  que  c'est  une  horreur:  les  enfans  mesmes  pourroyent  estre  leurs  iuges:  et  toutesfois  si  voiton  qu'ils  bruslent  d'un  zele  enrage  a  maintenir  leurs  sacrileges:  Et  de  nostre  coste,  sitost  que  le  diable  nous  fera  quelque  signe  du  doigt,  nous  voila  desbauchez:  il  semble  qu'un  chacun  soit  aux  escoutes,  pour  scavoir  s'il  y  a  rien  de  nouveau,  et  la  moindre  occasion  nous  aura  incontinent  esbranles  et  esgarez:  et  nous  en  voyons  par  trop  d'exemples  ici  sans  aller  plus  loin.  Tant  plus  donc  nous  fautil  bien  observer  ceste  accusation  qui  est  ici  faite  par  la  bouche  de  sainct  Paul  contre  l'inconstance  de  ceux  qui  se  destournent  de  Dieu,  voire  tantost  apres  qu'il  les  avoit  appelez  a  la  grace  de  nostre  Seigneur  Iesus  Christ.  Or  la  dessus  sainct  Paul  dit  que  ce  n'est  autre  chose,  sinon  qu'il  y  en  a  aucuns  qui  les  troublent,  et  veulent  renverser  l'Evangile  de  nostre  Seigneur  Iesus  Christ.  Ici  Sainct  Paul  declare  que  tout  ce  qu'on  pourra  apporter  *  outre  l'Evangile,  n'est  que