5:307  EPISTOLA  II.  suum  sequi  dico:  hac  inquam  lege  teneri  vos  dico,  ue  quid  plus  e  sacerdotiis  in  rem  vestram  convertatis,  quam  per  papisticos  canones  vobis  conceditur.  Quorum  vinculis  adstringi  si  vos  piget,  illis  ne  vos  ultro  implicetis.  Sed  quid  in  hac  re  evincenda  anxie  laboro?  quandoquidem  eos,  quorum  liberalitate  locupletes  estis,  nihil  dubium  est  non  ideo  detractas  haeredibus  proprias  opes  vobis  tam  plena  manu  fuisse  elargitos,  ut  regiis  lautitiis  instrumentum  ministrarent:  sed  vestrae  fidei  commisisse,  quae  bonis  viris  cum  pauperibus  communes  forent.  Itaque  non  tam  earum  vos  dominos,  quam  oeconomos  instituerunt.  Si  extremum  est  perfidiae  genus  in  deposito  fidem  fallere,  vobis  sane  ignoscendum  nullo  modo  est,  qui  adeo  insigni  improbitate  pauperibus  praevertitis,  1)  quod  apud  vos  depositum  in  hoc  fuerat,  ut  in  eorum  manus  perveniret.  Huic  malo  alterum  quoque  proximum  est:  quod  eam  personam  non  potestis  sustinere,  quin  multa  offensionum  semina  variis  modis  spargatis.  Ut  istud  unum  satis  causae  sit  homini  christiano,  quo  centum  simul  sacerdotiis,  quamlibet  opimis  et  splendidis,  se  protinus  abdicet.  Nemo  enim  fere  piorum  est,  qui  non  isto  exemplo  magnopere  perturbetur.  Qui  paulo  sunt  adhuc  imbecilliores,  hac  dubitatione  percelluntur,  iocone  an  serio,  malitiosene  an  sincere  adversus  papistas  contendamus  :  dum  nostrae  partis  homines  papae  stipendiarios2)  simul  vident.  Alii  dubitare  malunt,  sitne  res  licita,  a  qua  viros,  quos  ipsi  non  malos  existimant,  nequaquam  abhorrere  vident.  Quidam  etiam  animosiores  ad  imitandum  accenduntur.  Plerique  totam  fabulae  ac  ludibrio  religionem  vobis  esse,  merito  persuasum  habent,  [pag.  75]  Christi  autem  adversarii,  quibus  non  calumniis  sanctum  Dei  evangelium  proscindunt?  quibus  non  loedoriis  Christi  servos  subsannant?  quos  non  triumphos  agunt?  Quid  dicam?  Perquam  pauci  sunt,  qui  non  ad  vitae  vestrae  lapidem,  aut  hoc,  aut  illo  modo  impingant.  Qualis  hic  (malum)8)  est  stupor:  ad  omnia  proborum  aeque  ac  pravorum  hominum  iudicia  nec  tantillum  commoveri  ?  praesertim  ubi  per  vestram  ignominiam,  sannasque  illas  ac  scommata,  quibus  caeca  vestra  cupiditas  iure  optimo  perstringitur,  ipsam  quoque  Dei  maiestatem  illudi,  sacrum  eius  evangelium  maledictis  lacerari,  venerandam  eius  religionem  conculcari  intelligitis?  Si  sanae  mentis  guttula,  ut  ita  dicam,  in  vobis  resedisset,  ac  non  illa  vos  nescio  quae  rabies  corpore  et  animo  peni-  1)  Sic  sola  princeps.  Edd.  1550.1576:  praeripitis.  1597  seqq.,  praecipitis  (vous  frustrez  G-.).  2)  Princeps  habet:  stipendiarii,  quod  correctoris  oscitantiae  deberi  videtur  (quand  ils  voyent  des  gens  de  nostre  partie  estre  vassaux  du  pape  G.).  S)  In  hoc  vocabulo  errorem  aliquem  latere  facile  comecens.  Gallus  tacet.  Editione*  omnes  parenthesi  includunt.