29:307  307  HOMILIA  VII.  308  mus.  Nam,  exempli  gratia,  si  quando  vilis  atque  abiectae  conditionis  hominem  videmus  in  summum  dignitatis  et  honoris  fastigium  evectum  dominari,  tum  excitari  nos  oportet,  et  fateri  agnoscentes  res  omnes  publicas  atque  imperia  unius  manu  Dei  contineri,  foveri,  atque  immutari  ex  eiusdem  arbitrio  atque  voluntate,  ut  modo  abiectissimum  et  vilissimae  conditionis  quemlibet  attollat,  et  ad  summos  honores  evehat,  modo  potentissimum  et  in  summo  gradu  honorum  collocatum  deprimat.  Et  hanc  ob  causam  nominatim  hic  et  Psalm.  113  Deus  dicitur  e  pulvere  inopes  erigere,  et  e  stercoribus  attollere  miseros,  ut  collocet  cum  principibus  qui  vix  apud  homines  ullo  loco  erant.  Nam  saepe  videas  miserorum  hominum  et  inopum  tam  esse  miseram  vitam,  ut  vix  apud  homines  locum  inveniant.  Porro  quum  Deus  dicitur  facere  ut  solium  gloriae  possideant,  et  summos  honores  assequantur,  quos  suus  ortus  miseros  et  abiectos  effecerat,  apparet  ipsos  non  in  paternas  opes,  neque  in  paternos  honores  succedere,  sed  speciali  quadam  ratione  et  administratione  fieri,  ut  licet  neque  suos  maiores,  neque  suam  in  parandis  divitiis  et  honoribus  consequendis  industriam  praedicare  possint,  iusto  tamen  titulo  possideant  quos  Deus  in  possessionem  illam  misit.  Ratio  conversionum  et  mutationum  istiusmodi  subiungitur  his  verbis  :  Nam  Iehovae  sunt  cardines  terrae,  quibus  imposuit  orbem  habitabilem.  Porro  quum  terrae  cardines  tribuuntur,  metaphoricam  loquutionem  esse  tenendum  est.  Nam  alio  loco,  Psal.  24,  2  et  136,  6  Deus  terranr*  super  maria  fundasse,  et  super  flumina  disposuisse  dicitur.  Atqui  in  fluminibus  aut  uliginosis  ac  palustribus  locis  aedificatum,  fundamenta  palos  in  terram  defixos  et  adactos  muris  substernunt,  non  futuris  alioquin  firmis  saxeis  fundamentis.  Ita  Deus  dicitur  veluti  palis  in  mare  defixis  terrae  molem  suis  basibus  fulcivisse.  Nempe  quod  super  aquas  aedificari  nihil  possit,  immo  ne  lapillus  quidem  unius  unciae  supernatare,  quin  deorsum  tendat,  quandoquidem  aqua  fiuidum  est  elementum,  ac  proinde  nihil  grave  sustineat.  Sed  scriptura  de  istis  non  disserit  acute,  quod  non  sit  illi  propositum  arcana  philosophiae  accuratius  nobis  proponere,  sed  nobiscum  veluti  balbutire.  Ac  sane  Deus  se  ad  rudiorum  captum  sic  accommodare  voluit,  ne  quis  de  difficultate  et  obscuritate  conqueratur:  quare  nostrae  ruditati  sermonis  facilitate  consuluit.  Itaque  quum  terra  cardinibus  suis  et  basibus  nixa  dicitur,  ex  nostro  captu  dictum  illud  intelligendum.  Nam  alioquin  terra  mediam  orbis  sedem  obtinet,  atque  aquis  cingitur,  ac  proinde  aqua  est  terra  altior,  Quod  vero  pars  illius  arida  est,  miraculo  contigit,  quod  vel  ipsos  fateri  philosophos  ratio  cogit.  Natura  enim  poscebat,  non  ut  pars  quaedam  sicca  et  arida  emineret,  sed  ut  tota  subsideret  et  aquis  mergeretur,  at  Deus  mare  et  aquas