25:307  307  REDITUS  AD  HISTORIAM.  308  interea  posteritas  eius  sexaginta  quatuor  millia  transscendit.  51.  Isti  sunt  numerati.  Hac  summa  clarius  exprimitur  quod  ante  attigi,  inter  diversas  clades,  praesertim  vero  in  terribili  Dei  vindicta,  incredibili  modo  servatum  fuisse  Abrahae  genus,  ne  effectus  promissionis  in  exigua  tantum  hominum  manu  exstaret.  Natura  ipsa  et  communis  ratio  ferebat,  ut  pauci  tantum  fruerentur  terra  promissa:  quod  si  ad  paucitatem  hominum  redacta  fuisset  haereditas,  quodammodo  obruta  latuisset  Dei  promissio.  Mirabiliter  ergo  intra  annos  triginta  octo,  plus  sexcentis  et  tribus  millibus  hominum  exstinctis,  effecit  tamen  Deus,  ut  idem  maneret  capitum  numerus,  duobus  tantum  millibus  et  quingentis��  exceptis.  Certe  velut  ter  et  quater  caecos  esse  oportet  qui  admirabilem  Dei  providentiam  et  fidem  gratuitae  adoptionis,  constantiamque  in  servandis  promissis  non  intuentur  in  tam  illustri  specrulo.  Simul  clare  apparet  quod  ante  ex  Deuteronomio  citavi,  eos  qui  fuerunt  superstites,  palam  admonitos  fuisse  clade  illa,  ne  ad  superstitiones  unquam  deficerent.  53.  Istis  dividetur  terra.  Hoc  ad  animandos  fideles  non  parum  valuit,  quum  nomina  darent  coram  Deo,  et  profiterentur  se  terrae  haeredes:  quia  perinde  erat  ac  si  rem  manu  tenerent,  ubi  Deus  ad  certam  possessionem  eos  vocabat.  Emphatice  enim  ponitur  demonstrativum  pronomen,  ne  se  longius  differri  existiment,  ac  sibi  promitti  quod  posteros  demum  maneret.  Rei  ergo  exhibitio  et  praesentia  notatur,  ubi  Deus  praecipit  iis  qui  numerati  iam  erant,  et  quorum  exstabant  nomina  in  publicis  tabulis,  terram  dividi.  Deinde  praescribitur  ius  analogicum,  ut  pro  numero  capitum  sua  quibusque  distribuatur  portio.  Nunc  tenemus  in  eum  finem  fuisse  recognitos,  et  quasi  lustratos,  ut  se  alacrius  ad  terrae  promissae  fruitionem  accingerent.  57.  Isti  autem  sunt  numerati  Levitarum.  Seorsum  agit  de  tribu  Levi,  quam  Deus  a  reliquo  populo  separaverat.  Inter  filios  Levi,  ultimum  commemorat  Cehath  autorem  sacerdotalis  familiae.  Unde  probabili  coniectura  elicitur,  non  spectatum  fuisse  primogeniturae  ordinem,  ubi  Deus  sacerdotes  inde  sumere  dignatus  est.  Cur  vero  matris  suae  nomen  exprimat  Moses  praeter  consuetum  scripturae  morem,  non  satis  liquet.  Neque  enim  consentaneum  est  id  fecisse  ad  commendationem  sui  generis:  quia  simul  docet  se  cum  liberis  fuisse  honore  deiectum:  ubi  certe  nulla  apparet  ambitio.  Verisimilius  est,  si  nomen  filiae  stricte  accipitur  in  primo  gradu,  quod  probrosum  erat  non  tacuisse,  quo  Dei  indulgentiam  magis  extolleret:  nam  hoc  modo  progeniti  ex  incestuoso  coniugio  essent  Moses  et  Aharon,  quandoquidem  Amram  pater  Aharon  amitam  duxisset  uxorem,  quod  repudiabat  naturae  verecundia.  Potius  ergo  erit  ingenua  domesticae  infamiae  confessio,