1:307  INSTITUTIO  REL.  CHRIST.  1539  .  1554.  mus.  Nos  autem,  quum  dicimus  nihil  in  se  oportere  hominem  intueri  quod  ipsum  animosum  reddat,  intelligimus  nihil  esse  penes  ipsum  cuius  fiducia  debeat  superbire.  Quare,  si  libet,  quam  homo  sui  notitiam  habere  debet,  ita  partiamur:  ut  primo  loco,  quem  in  finem  creatus  sit,  et  donis  non  contemnendis  praeditus,  reputet;  qua  cogitatione  ad  divini  cultus  vitaeque  futurae  meditationem  excitetur;  deinde  suas  facultates,  vel  certe  facultatum  inopiam  expendat;  qua  perspecta  non  secus  atque  in  nihilum  redactus  in  extrema  confusione  iaceat.  Huc  tendit  prior  consideratio,  ut  quale  sit  officium  suum  agnoscat;  altera,  quid  ad  ipsum  praestandum  valeat.  De  utraque,  prout  series  docendi  poscet,  sparsim  a  nobis  disseretur.  6.  Ante  vero  quam  ad  miseram  istam  hominis  conditionem  describendam  aggrediamur,  1)  operae  pretium  est  tenere  qualis  prima  sua  conditione  creatus  fuerit  homo.  Cavendum  est  enim  ne,  dum  naturalia  hominis  mala  demonstramus,  ea  videamur  ad  naturae  autorem  referre.  In  hoc  enim  praetextu  se  habere  satis  defensionis  putat  impietas,  si  obtendere  queat,  quidquid  habet  vitii  a  Deo  quodammodo  profectum  esse.  Nec  dubitat,  si  redarguitur,  cum  Deo  ipso  litigare  culpamque  in  eum  transscribere,  cuius  merito  rea  agitur.  Et  qui  religiosius  loqui  de  numine  videri  volunt,  libenter  tamen  excusationem  pravae  suae  voluntatis  captant  a  naturae  accusatione  ;  2)  non  cogitantes  se  Deum  quoque,  licet  obscurius,  sugillare,  cuius  in  contumeliam  recideret,  siquid  vitii  inesse  naturae  probaretur.  Quum  ergo  videamus  carnem  inhiare  subterfugiis  omnibus,  quibus  utcunque  derivari  3)  a  se  malorum  suorum  culpam  existimat,  huic  malitiae  diligenter  obviandum  est.  Itaque  sic  tractanda  est  humani  generis  calamitas,  ut  praecidatur  carnis  malitiae  omnis  tergiversatio,  et  iustitia  Domini  ab  omni  insimulatione,  nedum  criminatione,  vindicetur;  sic  tamen,  ut  a  purissima  veritate  non  deflectamus:  quae  adeo  non  suffragatur  istiusmodi  absurdis,  ut  ad  refellenda  per  se  abunde  sufficiat,  ubi  primum  intelligitur.  7.  Nam  parentem  omnium  nostrum  Adam  creatum  esse  constat  ad  imaginem  et  similitudinem  Dei.  Quo  indicatur  factum  esse  participem  divinae  tum  sapientiae,  tum  iustitiae,  tum  virtutis,  tum  integritatis,  tum  veritatis,  tum  innocentiae.  Neque  enim  probabilis  est  eorum  error,  qui  similitudinem  et  imaginem  Dei  in  dominatu  illi  tradito  locant;  ac  si  eo  solo  Deum  referre  diceretur,  quia  constitutus  fuerit  omnium  animalium  dominus  et  arbiter.  Nisi  maius  subesset  huic  sententiae  pondus,  non  toties  repeteretur  a  Mose.  Et  Paulus  omnem  de  ista  re  controversiam  dirimit  quum  ita  loquitur  (Eph.  4,  23):  Re-  1)  aggredimur  1550  et  seqq.  3)  add.  alio  1543  et  seqq.  2)  excusatione  1553.