7:306  nevae  non  aliam  adduxit,  nisi  quod  tunc  a  latronibus  obsidebatur  et  periculum  in  dies  crescebat.  Nam  et  subsidiis  paene  omnibus  erat  destituta  et  hostes  habebat  bene  munitos.  Constabat  nihil  esse  certius;  et  si  Carolus  ipse  tacuisset,  nemo  tamen  non  potuisset  per  se  coniicere  hanc  fuisse  causam  profectionis.  Sed  ipse  omnibus  ita  narrabat.  Subsequutae  sunt  aliquanto  post  Farelli  literae  quibus  Carolus  depictus  erat  veris  elogiis.  Illic  enim  eius  proditiones,  clandestini  et  nocturni  cum  papistis  congressus,  nefaria  consilia,  scelestae  quoque  pactiones  aperiebantur,  [pag.  28]  De  his  literis  admonitus  a  Carolstadio,  tanta  furia  extemplo  correptus  fuit,  ut  per  urbem  instar  fanatici  discursaret,  Farello,  in  quemcunque  incidisset,  ferociter  militans.  Quin  etiam  eo  usque  progrediebatur  furoris  impotentia,  ut  se  concitaturum  arma  regis  Galliae  adversus  Farellum  diceret.  Redeat  paulisper  ad  se  et  recordetur  quibus  tum  verbis  eius  intemperiem  collibuerit  Calvinus,  quum  ad  eum,  accusandi  Farelli  causa,  venisset.  Eo  primum  die  natum  est  hoc  factae  in  eum  coniurationis  crimen.  Nam  quum  muliebriter  evomeret  in  Farellum  quidquid  veniebat  in  buccam,  hoc  inter  alia  permiscuit,  de  se  occidendo  conspirasse  quosdam  Farelli  asseclas,  ut  vocabat.  Iam  hoc  me  tenere  arbitror,  .gon  tantum  ut  omni  veri  specie  nudata  sit  Caroli  calumnia,  sed  ut  ipse  suis  verbis  ostendat  ab  animo  irritato  et  ultionis  cupido  fuisse  fabrefactam.  Quamobrem  ad  alia  pergamus.  Alia  etiam  quae  narrat  transsilire  libet,  quia  Farellum  nihil  laedunt.  Iactat  se  Munstero  per  octo  menses  assiduam  operam  dedisse  in  discenda  lingua  hebraica,  ut  persuadeat  eius  linguae  se  esse  peritum,  quam  olim  in  Grallia  discere  meditatus  non  ultra  alphabetum  perrexit,  quum  tamen  in  eo  studio  tres  menses  elaborasset.  Itaque  Basileae  sapientior  fuit  quam  prae  se  ferat.  Noluit  enim  operam  et  tempus  perdere.  Quia,  quum  paucis  diebus  tentasset,  mox  destitit.  Gloriatur  Erasmi  familiaritate,  [pag.  29]  ad  quem  salutatum  quum  semel  aut  iterum  a  Grynaeo  se  deduci  impetrasset,  quod  aditus  illi  alioqui  non  patebat,  intelligere  potuit  quo  loco  haberet  Erasmus  sorbonicos  theologos.  Et  tamen  hanc  larvam  induit,  ut  doctus  habeatur,  Erasmo  se  fuisse  familiarem.  Quem  tam  puerilium  ineptiarum,  praeter  ipsum,  non  pudeat?  Eiusdem  notae  sunt  gloriolae,  quas  subiungit  de  stipendio,  de  honorifica  Lausannam  deductione,  de  aedium  elegantia  et  hortorum.  De  his  dicere  supersedeo,  quia  facile  patior  ut  se  deridendum  omnibus  propinet.  Narrat  postea  qualiter  Lausannam  accitus  fuerit.  His,  inquit,  atque  aliis  argumentis  Bernatibus  gratior  effectus,  soluta  synodo,  priusquam  abirem,  honorifice  rogatus  sum,  mihine  sederet  in  animo  Lausannae  verbi  ministerium  suscipere.  At-  20